استانا. 1 قازان – حالىقارالىق مۋزىكا كۇنىندە «استانا وپەرا» وپەرا جانە بالەت تەاترى كامەرالىق زالىنىڭ سالتاناتتى اشىلۋى ءراسىمى وتەدى.
وعان قر پارلامەنتى ءماجىلىسىنىڭ دەپۋتاتى, الەۋمەتتىك-مادەني دامۋ جونىندەگى كوميتەتتىڭ ءتورايىمى داريعا نازارباەۆا قاتىسادى. ول پيانيست, قازاقستان رەسپۋبليكاسىنىڭ ەڭبەك سىڭىرگەن قايراتكەرى تيمۋر ورمانشەەۆتىڭ سۇيەمەلدەۋىمەن ءان سالادى.
ابۋ-دابي. مىسىر سوتى «مۇسىلمان باۋىرلار» ءدىني-ساياسي قاۋىمداستىعىنىڭ قىزمەتىن توقتاتتى. سونىمەن قاتار, سوت ۇكىمەتتى اتالعان ۇيىمنىڭ قارجىسىن تاركىلەپ, بانك شوتتارىن ۋاقىتشا جابۋدى مىندەتتەدى. «مۇسىلمان باۋىرلار» 2011 جىلى حوسني مۇباراك تاقتان قۇلاعاننان كەيىن پارلامەنتتىك جانە پرەزيدەنتتىك سايلاۋدا جەڭىسكە جەتكەن بولاتىن.
توكيو. جاپوندىق شارۋا سالماعى 485,1 كيلوگرامم تارتاتىن اسقاباق ءوسىردى.اسقاباق جالپى ۇلتتىق «جاپونياداعى ەڭ ۇلكەن اسقاباق» سايىسىندا باس جۇلدە العان. سايىسقا ەلدىڭ ءتۇرلى اۋداندارىنان 31 اسقاباق تاپسىرىلعان. الىپ اسقاباقتىڭ يەسى كودزي ۋەنو ەكىنشى جىل قاتارىنان باس جۇلدەگە يە بولىپ وتىر.
يسلاماباد. پاكىستاننىڭ وڭتۇستىك-باتىسىندا تەربەلىسى 7,8 بالل جەر سىلكىنىسى تىركەلدى.
قۇرباندار سانى 65 ادامعا جەتكەن. الايدا, بۇل كورسەتكىش ءالى دا كوبەيۋى مۇمكىن. جەراستى دۇمپۋلەرىنىڭ سالدارىنان بەلۋدجيستان پروۆينتسياسىنىڭ تۇرعىن ۇيلەرى مەن جاڭا سالىنىپ جاتقان قۇرىلىستارى قيراپ قالعان. اراب تەڭىزىندە گۆاداردىڭ جاعالىق سىزىعىنان شامامەن 600 مەتردە كىشىگىرىم ارال پايدا بولعان.
