جاڭالىقتار
استانادا جۇمىسپەن قامتۋ ورتالىعى 3,5 مىڭنان استام ادامدى جۇمىسقا ورنالاستىردى
استانادا جىل باسىنان بەرى جەتىنشى بوس ورىندار جارمەڭكەسى ءوتتى. م. وتەمىسوۆ اتىنداعى وقۋشىلار سارايىنا جۇمىس ىزدەگەن 800 جۋىق ادام كەلدى. ولاردىڭ باسىم بولىگى قالالىق وقۋ ورىندارىنىڭ تۇلەكتەرى.
جۇمىسپەن قامتۋ ورتالىعى ۇيىمداستىرعان شاراعا 50 جۇمىس بەرۋشى قاتىسىپ, 500 تارتا بوس جۇمىس ورنى ۇسىنىلدى.
جۇمىسپەن قامتۋ ورتالىعى ديرەكتورىنىڭ ورىنباسارى اباي ءبايمۋلديننىڭ ايتۋىنشا, بۇگىنگى جارمەڭكەگە قىزمەت كورسەتۋ, ءبىلىم مەكەمەلەرى, اۆتوپاركتەر, ىشكى ىستەر ورگاندارى قاتىسۋدا.
ايتا كەتەيىك, بۇعان دەيىن وتكەن التى جارمەڭكەدە 222 ادام جۇمىسپەن قامتىلدى. جالپى, جىل باسىنان بەرى 3 710 ادام جۇمىس تاپتى, سونىڭ ىشىندە 1079-ى قوعامدىق جۇمىستارعا كىرىستى, 540 ادام كاسىبي دايارلاۋ, قايتا دايارلاۋ جانە بىلىكتىلىكتى ارتتىرۋ كۋرستارىنا جىبەرىلدى.
بۇدان باسقا, 284 ادام جاستار پراكتيكاسىنا, 101 ادام الەۋمەتتىك جۇمىس ورىندارىنا جولداما الدى. جىل باسىنان بەرى 6990 ادام جۇمىس ىزدەپ, ءوتىنىش جازعان.
astana.gov.kz
