اۋعانستان سوعىسىندا قازا تاپقان جاۋىنگەر-ينتەرناتسيوناليستەردىڭ استانا قالاسىنداعى مەموريالدى-ەسكەرتكىش كەشەنىندە سالتاناتتى ميتينگ ۇيىمداستىرىلدى.
جىل سايىن 15 اقپاندا استانا قالاسى اكىمدىگىنىڭ قولداۋىمەن استانا قالاسىنىڭ «اۋعانستان سوعىسى مۇگەدەكتەرى مەن ارداگەرلەرى وداعى» قوعامدىق بىرلەستىگى ۇيىمداستىراتىن شاراعا مەملەكەتتىك جانە قوعامدىق ۇيىمدار وكىلدەرى, ستۋدەنتتەر مەن مەكتەپ وقۋشىلارى قاتىستى. جينالعاندار الدىندا ءماجىلىس دەپۋتاتى, حالىق قاھارمانى باقىتجان ەرتاەۆ سويلەپ, اۋعانستان سوعىسىنىڭ قاسىرەتى جايىندا ايتتى.
ميتينگ سوڭىندا قاتىسۋشىلار ەسكەرتكىشكە گۇل شوقتارىن قويىپ, سوعىس قۇرباندارىنا تاعزىم ەتتى.
س.نۇرماعامبەتوۆ اتىنداعى «جاس ۇلان» مەكتەبى مەن استانا قالاسىنىڭ «اۋعانستان سوعىسى مۇگەدەكتەرى مەن ارداگەرلەرى وداعى» قوعامدىق بىرلەستىگىنىڭ ۇيىمداستىرۋىمەن تاقىرىپتىق كونتسەرت ءوتتى.
