فورۋم تاقىرىبى – وڭىرلىك ەكونوميكا

استانا قالاسىندا ءبىر­قاتار ەلدىڭ ساراپ­شى­لارىنىڭ قاتىسۋىمەن ورتالىق ازيا وڭىرىندەگى ىنتىماقتاستىقتى دامىتۋعا ارنالعان فورۋم ءوتىپ جاتىر. وعان الەمنىڭ 10 ەلىنەن كەلگەن ساراپتامالىق ورتالىقتار مەن عىلىمي-زەرتتەۋ ۇيىمدارىنىڭ وكىلدەرى قاتىسۋدا. 

الەمدىك دەڭگەيدەگى ەكونوميستەر, عالىمدار, كولىك, ساۋدا جانە ەنەرگەتيكا سالالارىنداعى ساراپشىلار سەكىلدى 100-گە تارتا ماماننىڭ باسىن قوسقان بۇل فورۋمنىڭ نەگىزگى ماقساتى – ىنتىماقتاستىق پەرسپەكتيۆالارىن تالقىلاۋ, بارشا وڭىردە ساراپتامالىق ورتالىقتار جەلىسىن دامىتۋ, سونداي-اق, ورتالىق ازيا وڭىرلىك ەكو­نوميكالىق ىنتى­ماق­تاس­تىعىن اقپارات­تان­دىرۋ ءۇشىن ءتيىستى ورتالىقتى قۇرۋ. جيىنعا قا­تىسۋشىلار ورتالىق ازيانىڭ ەكونومي­كالىق بولاشاعى, ءوڭىر­دەگى ين­فرا­قۇرىلىمدىق بايلانىس ماسەلەسى جانە ورتالىق ازيا وڭىرلىك ەكونوميكالىق ىنتىماق­تاستىعىنا مۇشە مەملەكەتتەر اراسىندا ءبىلىم جانە تاجىريبە الماسۋ جەلىسىن قۇرۋ قاجەتتىگى مەن مۇمكىندىگى سەكىلدى ءۇش با­عىتتا پىكىر الماستى.