بيىلعى «حوككەي جۇلدىزدارى اپتاسى» استانادا 10 مەن 14 قاڭتار ارالىعىندا وتەدى. بۇل اۋقىمدى سپورت شاراسى ءبىزدىڭ ەلدە ءبىرىنشى رەت سالتانات قۇرادى.
وسى اپتالىقتىڭ اياسىندا قۇرلىقتىق حوككەي ليگاسى جانە ايەلدەر حوككەي ليگاسىنىڭ ەڭ ۇزدىك ويىنشىلارىنىڭ قاتىسۋىمەن ماتچتار وتكىزىلەدى. وعان قوسا, جاستار ليگاسىنىڭ كۋبوگى ساراپقا سالىنىپ, شەبەرلىك شوۋلار ۇيىمداستىرىلماق.
بۇل حوككەي مەرەكەسىنە ارنالعان رەسمي سايت ىسكە قوسىلدى. جاقىن كۇندەرى ويىن كورىگى قىزاتىن ماتچتاردىڭ بيلەتتەرى ساتىلا باستايدى. دالىرەك ايتساق, ونلاين ساتۋ 24 قاراشادان باستاپ www.allstarweek.com جانە www.kassir.com سايتتارى ارقىلى جۇرگىزىلەدى. ال 1 جەلتوقساننان باستاپ بيلەتتەردى «بارىس-ارەنا» كاسسالارىنان ساتىپ الۋعا بولادى.
ورىنبەك وتەمۇرات
