ويىل كوشەسىندەگى جاتاقحانادا ورىن العان ءورت سالدارىنان زارداپ شەككەن بالالار اۋرۋحانادان ەرتەڭ شىعادى. بۇل تۋرالى قالالىق №2 بالالار اۋرۋحاناسىنىڭ باس دارىگەرى ءبىرجان دوسمايلوۆ ءمالىم ەتتى.
«9 اقپان ءتۇنى جەدەل جاردەم بريگاداسى اۋرۋحانانىڭ قابىلداۋ بولىمىنە 2006, 2009, 2012 جانە 2013 جىلى تۋعان اعايىندى بالالاردى جەتكىزدى. ابىروي بولعاندا, بالالاردىڭ دەنەسىن كۇيىك شالماعان, ولار تەك ءيىستى گازدان ۋلانعان» دەدى ءبىرجان دوسمايلوۆ.
ونىڭ ايتۋىنا قاراعاندا, اۋرۋحاناعا تۇسكەندە بالالاردىڭ جاعدايى ورتاشا بولعان. اۋرۋحانادا ولار ينتوكسيكاتسيالىق سيندرومنان ارىلۋعا كومەكتەسەتىن سيمپتوماتيكالىق جانە پاتوگەنەتيكالىق ەم قابىلداعان. بالالاردىڭ جاعدايى تۇراقتانعان سوڭ اعايىندىلاردىڭ ەكەۋىن اناسى ۇيىنە الىپ كەتكەن.
«قازىر 2 بالانىڭ دا جاعدايى جاقسى. ەرتەڭ نەمەسە بۇرسىگۇنى بالالار اۋرۋحانادان شىعادى» دەدى باس دارىگەر.
ەسكە سالايىق, 9 اقپاندا ساعات 21:12-دە استانانىڭ تجد-ءنىڭ 101 پۋلتىنە بايقوڭىر اۋدانىنا قاراستى ويىل كوشەسىندەگى ەكى قاباتتى جاتاقحانادا ءورت شىققانى تۋرالى حابارلاما كەلىپ تۇسكەن بولاتىن. ءورت ساعات 21:52-دە اۋىزدىقتالىپ, ساعات 22:16-دا تولىقتاي ءوشىرىلدى. الدىن الا بولجامدارعا سايكەس, ءورت ەلەكتر سىمدارىنىڭ قىسقا تۇيىقتالۋىنان بولعان.
