استانا قالاسىندا وتكىزىلەتىن دۋاتلون جارىسىنا بايلانىستى ەلوردامىزدا 26 ماۋسىم كۇنى تاڭعى ساعات 09.00 باستاپ شارا اياقتالعانشا بىرقاتار كوشەلەردە كولىك قوزعالىسى شەكتەلەدى.
اتاپ ايتار بولساق, قابانباي باتىر داڭعىلى سارايشىق كوشەسىنەن اۋەجاي اينالما جولىنا, ورىنبور كوشەسى م1 كوپىرىنەن كەرەي مەن جانىبەك حاندار كوشەسىنە دەيىنگى, سونداي-اق, كەرەي مەن جانىبەك حاندار كوشەسى تۇران داڭعىلىنان ورىنبور كوشەسىنە دەيىنگى اۋماقتار ۋاقىتشا جابىق بولادى.
سونىمەن قاتار, قوناەۆ كوشەسى قابانباي باتىر داڭعىلىنان ورىنبور, دوستىق بويى قابانباي باتىر داڭعىلىنان ورىنبور كوشەسىنە دەيىنگى جولداردا كولىك قوزعالىسى توقتاتىلادى.
ۇسىنىلىپ وتىرعان اينالىپ ءوتۋ جولدارى – تۇران داڭعىلى, سارايشىق, سىعاناق جانە حۋسەين بەن تالال كوشەلەرى.
