ءبىر جىل جارىم بۇرىن اشىلعان «Astana Solar» كۇن باتارەيالارىن وندىرەتىن زاۋىت بۇگىندە جىلىنا 50 مۆت دايىن ءونىم شىعارادى. زاۋىت سەرتيفيكاتتاۋدان ءوتتى جانە حالىقارالىق نارىققا شىعۋعا دايىن, دەپ حابارلادى استانالىق اكىمدىكتىڭ سايتى.
ەلوردادا ەكى جىلدان بەرى فوتوەلەكترلى مودۋلدەر شىعاراتىن «Astana Solar» زاۋىتى جۇمىس ىستەپ تۇر. ول ەلىمىزدەگى تەحنولوگيالىق قازPV جوباسى اياسىندا بالامالى ەنەرگيا تۇرلەرىن شىعارادى. ال, جاڭا ونىمدەرگە شيكىزاتتى تۇگەلدەي قازاقستان كرەمنيىنەن الادى.
«زاۋىت ءوز جۇمىسىن 2012 جىلى باستادى. زاۋىتتىڭ وندىرەتىن نەگىزگى ءونىمى فوتوەلەكتر تاقتاشالارى. ياعني كۇن ساۋلەسىن ەلەكتر ەنەرگياسىنا اينالدىراتىن قوندىرعى. زاۋىتتىڭ ءونىمى بارلىق وبلىستارعا كەڭ تاراعان» دەيدى «Astana Solar» جشس ينجەنەرى رۋستام وسمانبەكوۆ.
ىسكە قوسىلعانىنا از ۋاقىت وتسە دە, زاۋىت ونىمدەرىنە سۇرانىس ارتقان. اسىرەسە, ەلەكتر جەلىلەرىنەن شالعايدا جاتقان ايماقتار, جارىق ءجيى سونەتىن وندىرىستىك نىساندار مەن شارۋا قوجالىقتارى ءۇشىن تاپتىرماس دۇنيە. قازىر زاۋىتتىڭ ءتورت وندىرىستىك بريگاداسىندا 200-گە جۋىق ادام جۇمىس ىستەيدى. الدا ولار ەكسپو كورمەسىنە قاتىسىپ, ءوز جوبالارىن كورسەتۋدى ماقسات ەتەدى.
سونىمەن قاتار, ولار ءوز ونىمدەرىن فرانتسياعا, كاتارعا جانە باسقا دا شەت ەلدەرگە شىعارۋدى جوسپارلاپ وتىر.
