كۇندەرiمنiڭ كۋاسi

(جالعاسى. باسى گازەتiمiزدiڭ وتكەن ساندارىندا)

مىرزاتاي جولداسبەكوۆ, مەملەكەت جانە قوعام قايراتكەرi
كۇندەرiمنiڭ كۋاسi
(جاريالانباعان جازبالار)

22-26.VI.2007
ءماريا, ءابiش, كلارا تورتەۋمiز ماڭعىستاۋ وبلىسىنىڭ اكiمi قىرىمبەك كوشەرباەۆ iنiمiزدiڭ شاقىرۋىمەن اقتاۋدا, وبلىستا بولىپ قايتتىق. ۇشاقتان تۇسە سالا 22.06. كۇنi ساعات 16-دا تەاتردا كوپشiلiكپەن كەزدەستiك. قىرىمبەك, ءابiش مەن تۋرالى تەبiرەنiپ ءسوز سويلەدi. جىرشى اماندىق جىر ارنادى. وزگە بiراز سويلەۋشiلەر بولدى.
حالىقتىڭ ىقىلاسىنان ارتىق نە بار دەيسiز, ەلدiڭ ىقىلاس-پەيiلiنە رازى بولدىق. ەكi كۇن تiكۇشاقپەن اۋليە ارالادىق: شوپان اتا, پiر بەكەت, قۇلباراق اۋليەلەردiڭ باسىندا بولدىق. بەكەت اتاعا بارعانىمىزدا ەكi لاعىن ەرتكەن ارقار الدىمىزدان شىقتى. بiلەتiن جۇرت مۇنى جاقسىعا جورىدى. لايىم ايتقاندارى كەلسiن.
ەكi كۇن كەندiرلi دەگەن جەردە سۋعا ءتۇسiپ دەمالدىق. سول جەردە دە, ۇيiندە دە قىرىمبەك داستارحان جايدى. مەن بۇدان بۇرىن قازاقستان اۋماعىندا كاسپيگە ءتۇسiپ كورمەگەن ەكەم, سۋىنىڭ تۇنىقتىعىنا, شيپالىلىعىنا تاڭ قالدىم. مۇندا بەس جۇلدىزدى ەكi مەيمانحانا سالىنىپ, جاعا تۇگەل يگەرiلمەك ەكەن. ويتكەن جاعدايدا جۇرت ەندiگi جەردە انتاليا, ىستىقكولدi قويىپ, وسىندا كەلەتiن بولادى. شەتتەن دە كەلiپ دەمالادى. ءسويتiپ, كاسپي تابىستىڭ ۇلكەن وشاعىنا اينالادى.
اتىراۋدا ءتورت گراند-وتەل سالىنىپتى. شەتەلدiڭ ايتۋلى مەيمانحانالارىنان ەش كەمدiگi جوق. اقتاۋ بۇرىن قۇم iشiندە اداسقان تۇيەدەي ەدi, قۇلپىرىپ كەلەدi ەكەن. «اقتاۋ سيتي» سالىنسا, بۇل قالا الەمنiڭ ايتۋلى قالاسىنا اينالعالى تۇر ەكەن.
بيىل قاتارىنان بەس زاۆود, ۋنيۆەرسيتەت قالاشىعى, وزگە دە ماڭىزدى وبەكتiلەر سالىنا باستاپتى. پورت وسۋدە. اۋىلدىق جەرلەردە مەكتەپتەر سالىنىپ, ەلدiڭ كەلبەتi وزگەرۋدە. ەسكi جۇرتتا قالعان كوسەۋدەي ولكە التىن وجاۋعا اينالا باستاپتى. مۇناي مۇحيتىنىڭ ۇستiندە وتىرىپ قايىرشىنىڭ كۇنiن كەشكەن ماڭعىستاۋ باي ولكەگە اينالا باستاپتى. بiز وسىعان قۋاندىق. قىرىمبەك اپاسى ەكەۋمiزگە ەرەكشە ىقىلاس تانىتتى. ءتاڭiر جارىلقاسىن. ەلەۋ سەكiلدi اسىل اعانىڭ تۇياعى ەدi, ابىروي جولداس بولا بەرسiن, مارتەبەسi وسە بەرسiن. كەلiن ەكەۋi وڭتالاپ, سالتانات, ەركiن بالالارىمىزدىڭ قىزىعىنا تويماي ءجۇرسiن.
بيىل مەنiڭ جەتپiس جىلدىعىما وراي ءال-فارابي اتىنداعى ۇلتتىق ۋنيۆەرسيتەت مەنiڭ اتىمدا ستيپەنديا تاعايىنداپ, جەتiسۋ ۋنيۆەرسيتەتi دە ءابiش ەكەۋمiزدiڭ اتىمىزعا بiر-بiر ارنايى ستيپەنديا تاعايىندادى. ءتاڭiر جارىلقاسىن. ەلگە اماندىق بەرسiن.
26.06. كۇنi كەشكiسiن استاناعا ورالدىق.

30.VI.2007
پرەزيدەنتتiك مادەنيەت ورتالىعىندا يسپانيا كورولi حۋان كارلوس I مەن كورولەۆا سوفيانى قارسى الدىق.
2001 جىلى بۇل كiسiنi مەن ەۋرازيا ۋنيۆەرسيتەتiندە قابىلداعان ەدiم. ۇمىتپاپتى. ارالادى. ريزا بولدى. وزiنە ءبورi باسىن سىيلاپ, كورولەۆاعا القا تاقتىق.

19-30.VII.2007
دەمالىستا بولدىم. 21.07. باقاناستا بولتiرiك شەشەنگە ەسكەرتكiش قويىلىپ, كونفەرەنتسيا وتكiزiلiپ, اس بەرiلدi. كونفەرەنتسيادا ءسوز سويلەدiم.
يتاليانىڭ «ەني» كومپانياسىنىڭ مەنەدجەرi لۋانا كوتيچنوني نوە دەگەن كiسiمەن كەلiسسوز جۇرگiزiپ, «ورحون ەسكەرتكiشتەرiنiڭ تولىق اتلاسىن» يتاليان, اعىلشىن تiلدەرiنە اۋداراتىن بولىپ كەلiستiك.
26.07. كۇنi ولجاس سۇلەيمەنوۆتiڭ اناسى فاتيما اپاي 92-گە قاراعان جاسىندا دۇنيە سالدى, تاڭعا جۋىق پاريجدەن ولجاس كەلiپ, 27-i كۇنi تۇسكە تامان (ساع.12:20) ولجەكەڭە كوڭiل ايتىپ, جانىندا بiر ساعاتتاي بولدىم. يمانعالي تاسماعامبەتوۆ, عاني قاسىموۆ, تيمۋر سۇلەيمەنوۆتەر بiرگە بولدى.
28.07. iنiم, «قازاق تەمiرجولى» ۇلتتىق كومپانياسىنىڭ پرەزيدەنتi جاقسىبەك كۇلەكەەۆتiڭ 50 جىلدىق مەرەيتويى ءوتتi.
توي يەسiنiڭ اعاسى رەتiندە داستارحانعا باسشىلىق جاسادىم. 30.07. كۇنi بەكماحاننىڭ ۇيiندە مەيمان بولدىق. 31.07. استاناعا ورالىپ, جۇمىسقا كiرiستiم.

1-18.VIII.2007
كۇندەلiك جازۋدىڭ قيامەتi سول, اراسى ءسال ۇزiلسە, جۇرiسiنەن جاڭىلعان جورعاداي بولاسىڭ. جازباۋعا داعدىلانىپ كەتەسiڭ. وسىلاي, 18 كۇن قولىما قالام الماي, كۇندەلiك بەتiن اشپاي ومiردە ەشتەڭە بولماعانداي باز كەشتiم.
شىندىعىنا كەلگەندە, وسى كۇندەرi دە ۇلكەن وقيعالار بولدى.
دەمالىستا بولدىم. ارقانى ارالادىم. قازداۋىستى قازبەك بي اتامنىڭ شاپانىن تاپتىم. يگi جاقسىلارمەن كەزدەستiم.
ارقانىڭ ازاماتى, ابىلايدىڭ شاپانىن تاپسىرعان حامزە ءساتجانوۆتىڭ قاراعاندىداعى 70-جىلدىق تويىنا قاتىستىم.
اعامىز ءارi جەزدەمiز سىبانباي قۇرالباەۆ الماتىدا دۇنيە سالدى, جەرلەپ قايتتىق.
بۇگiن (18.08) ماجiلiسكە, ماسليحاتقا سايلاۋ كۇنi. داۋىس بەردiم. داۋسىمدى «نۇر وتان» پارتياسىنا بەردiم.

20.VIII.2007
جەتi پارتيا سايلاۋعا ءتۇسiپ, جەڭiسكە «نۇر وتان» پارتياسى جەتتi, قالعانى دالادا قالدى.
بۇگiندە جالعان ۋادەمەن ەلدi الداي المايسىڭ.
ەلباسى باسقارىپ وتىرعان پارتياعا حالىق سەنەدi دە, وزگەلەرiنiڭ وتiرiگiنە سەنبەدi. حالىقتى قالاي الدايسىڭ؟ بۇگiن بۇرىن پرەمەر-مينيستر بولعان ۇزاقباي قارامانوۆ 70-كە تولدى. قارامانوۆ تۋرالى تولعانىسىمدى اياقتادىم. كەشكiسiن سايلاۋدىڭ قورىتىندىسىنا وراي «قازاقستان» تەلەكانالىنا تiكەلەي ەفيرگە شىقتىم.

21.VIII.2007
«تۇڭعىش پرەمەر-مينيستر» (ۇزاقباي قارامانوۆ تۋرالى وي-تولعام) دەگەن ماقالام «ەگەمەن قازاقستان» گازەتiندە بiر بەت بولىپ شىقتى.

24.VIII.2007
الماتىعا ۇ.قارامانوۆتىڭ 70 جىلدىق تويىنا كەلدiم. ىعاي مەن سىعاي تەگiس جينالدى. وندا بiر ساعاتتاي بولىپ, تۇندە جاركەنتكە جۇردiك. مۇندا بiر كەزدەگi تالدىقورعان وبلىسى, پانفيلوۆ اۋدانىندا تۋىپ-وسكەن, قاتارداعى قويشىدان كولحوز باستىعى دارەجەسiنە جەتiپ, داڭقى, اتاعى جەر جارعان ىبىرايىمجان قوجاحمەتوۆتiڭ 80 جىلدىق تويىنا كەلدiك. بiزدi قايتا-قايتا شاقىرعان سوڭ ءماريا ەكەۋمiز كەلگەن ەدiك.
25.08.2007 تويى ءوتتi. كەشەگi جارىقتىق, ن.ن.گولوۆاتسكي, ي.م.بەلالوۆتارمەن اتاعى بiرگە شىققان, بiرگە جۇرگەن ىبەكەڭنiڭ تويى جاقسى ءوتتi. كەشە عانا «ەگەمەن قازاقستانعا» جاريالانعان «اعاعا حات» دەيتiن قۇتتىقتاۋىمدى وقىعانىمدا اعامىز كوزiنە جاس الىپ, بۋلىعىپ سويلەي الماي قالدى. بۇلار – ومiرگە سيرەك كەلەتiن ادامدار. ەل جاقسى جينالدى, ەڭبەگi اقتالدى.

26.VIII.2007
زەينوللا قابدولوۆتىڭ قايتىس بولعان جىلىنا وراي بەرiلگەن اسقا قاتىستىم.

27-30.VIII.2007
ساعات اشiمباەۆتىڭ 60 جىلدىعىنا بايلانىستى جانە قوبىلاندى باتىرعا ارنالعان اقتوبەدەگi كونفەرەنتسياعا ماقالا جانە باياندامامەن شۇعىلداندىم.
(جالعاسى بار)