ءبىزدىڭ پالۋاندار قازاقشا كۇرەستەن وتكەن تۇڭعىش حالىقارالىق «ەۋرازيا بارىسى» تۋرنيرىندە قارسىلاستارىنىڭ بارىنەن باسىم ءتۇسىپ, ابىرويىمىزدى اسقاقتاتتى.
«تاراز-ارەنا» سپورت سارايىندا وتكەن جارىستى «قازاقستان» ۇلتتىق ارناسىمەن قاتار رەسەيلىك «بوەتس», تۇركيانىڭ «TRT-AVAZ» ارنالارى ارقىلى الەمنىڭ 120 ەلىنە تىكەلەي ەفيردە تاراتىلاتىنى تۋرالى ءاۋ باستا حابارلانعان ەدى. سوعان قاراپ-اق بۇل ءتۋرنيردىڭ سالماعى قانشالىقتى ەكەنىن كوپشىلىك الدىن الا ۇقسا كەرەك.
بەس پالۋانىن ازيا مەن ەۋروپادان جينالعان سەگىز ەلدىڭ اراسىندا موڭعوليا, تاجىكستان, يران, رەسەي, پولشا, تۇركيا, قىتاي جانە قازاقستان قۇرامالارى بولدى.
ۇلتتىق قۇرامامىزدىڭ ساپىندا ابزال ارىستانبەكوۆ, ەرلان ەستەك, ەرسىن مۇحامەدجانوۆ, مۇحيت تۇرسىنوۆ جانە «قازاقستان بارىسى» ءتۋرنيرىنىڭ سوڭعى جەڭىمپازى بەيبىت ىستىباەۆ بار ەدى. جارىس باستالماي جاتىپ-اق موڭعول پالۋاندارى ەڭ قاۋىپتى قارسىلاس سانالعانمەن, اقتىق سىندا ولار ءوزىمىزدىڭ جىگىتتەرگە ايبات كورسەتە الماعانىنا كوپشىلىك كۋا بولدى.
تۋرنير قورىتىندىسى بويىنشا باس جۇلدەگە, سونداي-اق 50 مىڭ اقش دوللارىنا قازاقستان قۇراماسى يە بولسا, ەكىنشى, ءۇشىنشى ورىندارعا موڭعوليا (30 مىڭ اقش دوللارى), رەسەي (10 مىڭ اقش دوللارى) پالۋاندارى كوتەرىلدى.
