بۇگىن ەلوردادا قر تاۋەلسىزدىگىنىڭ 25 جىلدىعىنا جانە وليمپياداشىلار مەن پاراليمپياداشىلاردىڭ قۇرمەتىنە ارنالعان موتوشەرۋگە قاتىسۋشىلار تۋدى استانالىق بايكەرلەرگە تابىستادى. مارافون 6 شىلدە – ەلوردا كۇنىندە الماتىدان باستالىپ, ەلىمىزدىڭ باتىسىنا جول تارتتى.
ەستافەتا قازاقستاننىڭ بارلىق قالالارىن قامتيدى جانە ريوداعى وليمپيادا ويىندارى باستالاتىن كۇنى – 5 تامىزدا الماتىدا اياقتالادى. موتوشەرۋدىڭ ۇزىندىعى – 7 مىڭ كم جۋىق.
«موتوشەرۋ ەلىمىزدىڭ تاۋەلسىزدىگىنىڭ 25 جىلدىعىن مەرەكەلەۋ, سونداي-اق, كەلەسى ايدا برازيلياعا باراتىن وليمپياداشىلاردى قولداۋ ماقساتىندا ءوتىپ جاتىر. مەنىڭشە, شارا سپورتشىلارىمىزعا رۋح بەرىپ, ولار ءدۇبىرلى دودادا لايىقتى ونەر كورسەتەدى», – دەيدى قازاقستان گەوگرافيالىق قوعامىنىڭ جانە قازاقستان بايكەرلەر قاۋىمداستىعىنىڭ پرەزيدەنتى دميتري پەترۋحين.
موتوشەرۋدىڭ تۋىنا ەلىمىزدىڭ سپورتشىلارى ءوز قولدارىن قوياتىن بولادى.
astana.gov.kz
