فۋتبولدان الەم چەميوناتىنا ءبىر ايعا جۋىق ۋاقىت قالدى. ءنومىرى ءبىرىنشى سانالاتىن سپورتتىڭ بۇل تۇرىنەن وتەتىن ەڭ ماڭىزدى جارىس ءتورت جىلدا ءبىر سوعىپ وتىرادى. قازاقستاندىق كوممەنتاتورلار مەن جۋرناليستەر سپورتتىق جۋرناليستيكا تاريحىندا العاش رەت ءىس-شارانى ۋاقيعا ورنىنان باياندايتىن بولادى.
تەلەكورەرمەندەر «قازاقستان» تەلەارناسىنىڭ تىكەلەي ەفيرىنەن 33 ماتچتىڭ, «ەۋرازيا 1» ارناسىنان جانە «كAZsport» تەلەارنالارىنان 32 ماتچتىڭ ترانسلياتسياسىن كورە الادى. سونىمەن قاتار, تەلەكورەرمەندەر الەم چەمپيوناتىنىڭ اشىلۋ سالتاناتىن «قازاقستان» جانە «كAZsport» تەلەارنالارىنان كورۋ مۇمكىندىگىنە يە. جابىلۋ سالتاناتىن 2014 جىلعى 13 شىلدەدە «قازاقستان» جانە «ەۋرازيا 1» تەلەارنالارىنان تاماشالاۋعا بولادى. ماتچتاردىڭ تولىق كەستەسىن «قازاقستان» رترك» اق سايتىنان الۋعا بولادى.
ايماقتىق ىرىكتەۋ جارىستارىن قوسا ەسەپتەگەندە الەم چەمپيوناتى 3 جىل جالعاسادى. 2014 جىلعى بىرىنشىلىكتىڭ ىرىكتەۋ جارىستارىنا 204 قۇراما قاتىستى. ءبىر اي ىشىندە وتكىزىلەتىن اقتىق دوداعا 32 كوماندا قاتىسادى. ونىڭ 31-ءى ىرىكتەۋ ءتۋرنيرىنىڭ قورىتىندىسى بويىنشا جولداما يەلەنسە, بىرەۋى – جارىس يەسى برازيليا. تاريحتا پەلەنىڭ وتانداستارى ءدۇبىرلى دودانى وتكىزۋدى ءوز مويىندارىنا بەسىنشى رەت العالى وتىر.
