مينسك قالاسىندا ءوتىپ جاتقان حوككەيدەن الەم بىرىنشىلىگى قازاقستان قۇراما كومانداسى ءۇشىن قۇت بولماي تۇر.
العاشقى كەزدەسۋدە گەرمانيا حوككەيشىلەرىمەن ايدىنعا شىققان ءبىزدىڭ جىگىتتەر ءبىرىنشى بولىپ ەسەپ اشقانمەن, ءوز قاقپالارىنا قارىمتا شايبا سوققىزىپ الىپ, 60 مينۋتتى تەڭ ەسەپپەن اياقتادى. كەيىن قوس قۇراما قوسىمشا ۋاقىتتا دا جەڭىمپازدى انىقتاي الماي, بۋلليتكە جۇگىنۋگە تۋرا كەلدى. بىراق باعىمىز شاپپادى ما, الدە بابىمىز كەلمەدى مە, ايتەۋىر, اري-پەككا سەلين شاكىرتتەرى قولدا تۇرعان جەڭىستەن ايىرىلىپ قالدى.
ال, ەكىنشى ويىندى ايدىن يەلەرىنە قارسى وتكىزگەن قازاقستان قۇراماسى 1:4 ەسەبىمەن ويسىراي جەڭىلىپ, تاعى دا تاۋىمىزدى شاققانداي بولدى. ءبىرىنشى كەزەڭدە ءبىر شايبامەن الدا تۇرعان حوككەيشىلەرىمىزدىڭ ەكىنشى جانە ءۇشىنشى كەزەڭدەردە ءوز قاقپالارىنا سوعىلعان ءتورت شايباعا جاۋاپ قايتارۋعا شامالارى جەتپەدى.
وسىلايشا, قازىر ءبىزدىڭ قۇرامانىڭ قورجىنىندا 1 عانا ۇپاي بار. الدا فينليانديا, رەسەي, اقش, شۆەيتساريا جانە لاتۆيا قۇرامالارىمەن بولاتىن كەزدەسۋلەر توسىپ تۇر. ولاردىڭ دا وڭاي شاعىلار جاڭعاق ەمەس ەكەنىن ءبارىمىز بىلەمىز…
