ەلوردادا 82 مىڭنان اسا زەينەت جاسىنداعى, 25 مىڭ مۇمكىندىگى شەكتەۋلى جان بار. سونىڭ ىشىندە 1941-1945 جىلعى ۇلى وتان سوعىسىنا قاتىسقان تەك 57 سوعىس ارداگەرى قالعان.
1 قازان – حالىقارالىق قارتتار كۇنىنە وراي اكىمدىكتە وتكەن ءباسپاسوز ءماسليحاتىندا جۇمىسپەن قامتۋ جانە الەۋمەتتىك قورعاۋ باسقارماسى باسشىسى ورىنباسارىنىڭ مىندەتىن اتقارۋشى يليا سكۋب باس قالادا تەك اتالعان كۇنى عانا ەمەس, جىل ون ەكى اي بويى ۇزبەي قامقورلىق كورسەتىلىپ كەلە جاتقانىن ايتتى.
– وكىنىشكە قاراي, نۇر-سۇلتاندا 57 ۇلى وتان سوعىسىنىڭ ارداگەرى قالدى. تىل ەڭبەككەرلەرى بار. ولاردىڭ سانى جىلدان جىلعا ازايىپ بارادى. ءبىزدىڭ باسقارما مەملەكەتتىڭ زەينەتكەرلەرگە كومەك كورسەتۋ ساياساتىن جۇرگىزەدى. ماسەلەن, زەينەتكەرلەرگە قوعامدىق كولىكتەردە ءجۇرۋ, تىستەرىن پروتەزدەۋ تەگىن. سونىمەن قاتار, كۋرورتتىق ايماقتارعا جولداما بەرىلەدى, – دەدى يليا سكۋب.
ايتا كەتەيىك, ءاربىر مەملەكەتتىك جانە ۇلتتىق مەرەكەلەردە ەگدە جاندارعا ارناپ ءتۇرلى ءىس-شارالار, قايىرىمدىلىق اكتسيالارى ۇيىمداستىرىلادى. ولارعا مەملەكەت تاراپىنان ارقانداي الەۋمەتتىك كومەكتەر مەن جەڭىلدىكتەر قاراستىرىلعان. كەيبىر جاعدايدا ءبىر رەتتىك اقشالاي كومەكتەر بەرىلەدى.
ال جالعىزىلىكتى قارتتار ماسەلەسىمەن اينالىساتىن «الەۋمەتتىك كومەك كورسەتۋ ورتالىعى» مكقك ديرەكتورىنىڭ مىندەتىن اتقارۋشى ەرداۋلەت امانبايدىڭ ايتۋىنشا, «شاراپات» ورتالىعىندا جالعىزىلىكتى 320 ادامعا جانە تۇرعىلىقتى ۇيلەرىندە 406 ادامعا الەۋمەتتىك قىزمەتتەر كورسەتىلەدى. قارتتار كۇنىنە وراي ءتۇرلى ەكسكۋرسيالار, كونتسەرتتەر, كوڭىل كوتەرۋ كەشتەرى ۇيىمداستىرىلادى. مەيرامحانالاردا, ءدامحانالاردا قارتتارعا داستارقان جايىلادى.
قالانىڭ ءبىلىم بەرۋ مەكەمەلەرى سوعىس ارداگەرلەرمەن كەزدەسۋلەر وتكىزەدى, تۇرمىستىق جاعدايلارىنا كومەكتەسەدى. كاسىپورىندار مەن ۇيىمدار وزدەرىنىڭ ەڭبەك ارداگەرىنە قۇرمەت كورسەتىپ, سىي-سىياپات جاسايدى. قورىتا ايتقاندا, قالانىڭ قارتتارى ەشقاشان نازاردان تىس قالعان ەمەس.
