كوكتەمدە ەلوردانىڭ كەيبىر اۋداندارىن سۋ باسۋ قاۋپى تۋىندايدى. قازىرگى كەزدە قالاداعى سۋ تاسقىنى بولۋى ىقتيمال ۋچاسكەلەردىڭ كارتاسى ازىرلەندى. وسىعان بايلانىستى توتەنشە جاعدايلار دەپارتامەنتى 309 ادامنان تۇراتىن توپ قۇردى. سونداي-اق, وسىناۋ شاراعا 49 بىرلىك تەحنيكا, 12 ءجۇزۋ قۇرالى جانە تىكۇشاق تارتىلماق.
سۋ تاسقىنى كەزەڭىنە دايىندىق جۇمىستارى بەلسەندى تۇردە جۇرگىزىلۋدە. كەشەندى ءىس-شارالار جوسپارىنا سايكەس, ادامدار كوپ جۇرەتىن 266 نىساندا قار تازالاۋ جۇمىستارى اياقتالدى.
استانا قالاسىنىڭ ورتالىق وڭىرلىك اەروموبيلدى جەدەل قۇتقارۋ جاساعى ەسىل جانە اقبۇلاق وزەندەرىندە مۇز جاعدايىن باقىلاۋ جانە جاعانى پاترۋلدەۋ بويىنشا كەزەكشىلىك ەتەدى.
سونىمەن قاتار, سۋ تاسقىنى سالدارىن جويۋعا قوسىمشا 125 ادامنان تۇراتىن جەدەل ارەكەت ەتۋ جاساعى, 48 ءبىرلىك ينجەنەرلىك تەحنيكا تارتىلادى.
