مەملەكەت باسشىسى نۇرسۇلتان نازارباەۆتىڭ ەل حالقىنا ارناعان «الەۋمەتتiك-ەكونوميكالىق جاڭعىرتۋ – قازاقستان دامۋىنىڭ باستى باعىتى» اتتى بيىلعى جولداۋى قوعامىنىڭ بار سالاسىنا سەرپiن بەرiپ وتىر. استانادا ەلباسى جولداۋىنىڭ باسىم باعىتتارىن ءتۇسiندiرۋ ماقساتىنداعى اقپاراتتىق ۇگiت-ناسيحات توبىنىڭ جۇمىسى باستالدى. توپتىڭ حالىقپەن العاشقى كەزدەسۋi كەشە «قازاقستان» ورتالىق كونتسەرت زالىندا ءوتتi. ناسيحاتشىلار توبىن قارجى مينيسترi بولات جامiشەۆ باستاپ كەلدi. بارلىعى 10 باعىتتان تۇراتىن دامۋ جوسپارىن جينالعاندار جان-جاقتى تالقىلادى. ەلوردادا ەكi كۇن بويى وسىنداي ون توعىز جيىن وتكiزiلمەك.
جولداۋدىڭ العاشقى باعىتى بويىنشا «جۇمىسپەن قامتۋ–2020» باعدارلاماسىن iسكە اسىرۋعا 2011 جىلى 37 ملن 399 مىڭداي قارجى جۇمسالعان ەدi. الداعى اتقارىلار شارۋالارعا بيىل 62,3 ملرد تەڭگە ءبولiنiپتi. جۇمىسقا ورنالاسۋعا, قوسىمشا بiلiم الۋعا قاجەتتi قۇجاتتاردىڭ تiزبەسi قىسقارتىلاتىن بولادى.
ەلباسى ۇكiمەتكە اعىمداعى جىلدىڭ 1 شiلدەسiنە دەيiن جاڭا «قولجەتiمدi باسپانا – 2020» باعدارلاماسىن ازiرلەپ, قابىلداۋدى تاپسىرعانى بەلگiلi. مينيستردiڭ ايتۋىنشا, بۇگiنگi تاڭدا قارجىلاندىرۋ جانە قۇرىلىس كولەمi جايىنداعى ماسەلەلەردi اكiمدiكتەر پىسىقتاۋدا. ۇزاق جانە قىسقا مەرزiمدi جالعا بەرۋ ارقىلى جاس وتباسىلاردى تۇرعىن ۇيمەن قامتاماسىز ەتەتiن باعدارلامانىڭ سۇلباسى جاسالىپ جاتىر.
جولداۋ جۇكتەگەن مiندەتكە سايكەس العاشقى جارتىجىلدىقتىڭ اياعىنا دەيiن بiر سالالى قالالاردى دامىتۋ تۋرالى ارنايى باعدارلاما قابىلدانادى.
بولات ءجامiشوۆتiڭ ايتۋىنشا, 2012 جىلى استانا, الماتى, اقتاۋ جانە قاراعاندى قالالارىندا مامانداندىرىلعان حقكو-لاردى قۇرۋعا 900 ملن تەڭگە قاراستىرىلىپتى. استانادا مامانداندىرىلعان حقكو 2012 جىلدىڭ ەكiنشi توقسانىندا اشىلادى. وندا جۇرگiزۋشiلەر كۋالiگiن بەرۋ, كولiكتi تiركەۋ سەكiلدi بiرنەشە قىزمەت تۇرلەرi كورسەتiلەدi.
جولداۋداعى قۇقىق قورعاۋ ورگاندارىنىڭ قىزمەتiن جانە قازاقستاننىڭ سوت جۇيەسiن دامىتۋ تاپسىرماسىنا سايكەس قۇقىق قورعاۋ ورگاندارىنداعى ارنايى شەن مەن پوگون تاعۋدى تالاپ ەتپەيتiن لاۋازىمداعى بiرقاتار قىزمەتكەرلەردiڭ اتتەستاتسياسى قايتارىلىپ الىنۋى مۇمكiن.
بiلiم جانە عىلىم سالاسىنداعى باقىلاۋ كوميتەتi توراعاسىنىڭ ورىنباسارى ءلاززات بولەباەۆا حالىقارالىق ستاندارتتان نەگiزiندە زاماناۋي ادiستەر مەن تەحنولوگيالاردى وقۋ پروتسەسiنە ەنگiزۋ, پەداگوگي-كالىق قۇرامنىڭ ساپاسىن كوتەرۋ, جاستار ءۇشiن بiلiم بەرۋدiڭ قولجەتiمدiلiگiن كەڭەيتۋ ماقساتىنداعى جۇمىستار قولعا الىنىپ جاتقانىن جەتكiزدi.
ادەتتەگiدەي حالىق تاراپىنان دا تالاي ساۋال قويىلدى.
«شاعىن كاسiپكەرلiكتi دامىتۋ ماقساتىندا نەسيە الۋ ءۇشiن كەپiلدەمە قويۋ مiندەتتi مە؟». بۇل – كوپتiڭ كوكەيiندەگi ساۋال. قارجى مينيسترi كەپiلدەمە قويۋدىڭ مiندەتتi ەكەنiن ايتتى.
«تەك مەديتسينا مەن بiلiم سالاسى ماماندارىنا ارنايى مەملەكەتتiك تۇرعىن ءۇي باعدارلاماسىن جاساپ شىقسا قالاي بولادى؟» جيىنعا قاتىسۋشىلاردىڭ بiرi وسىنداي ۇسىنىس ايتتى. مينيستردiڭ جاۋابى قىسقا بولدى: «زاڭ الدىندا قازاقستاننىڭ بار ازاماتى بiردەي. دەمەك, تۇرعىن ۇيگە قاتىستى باعدارلاما دا ورتاق. زاڭعا باعىنۋ كەرەك. ەشكiم زاڭ شەڭبەرiنەن شىعىپ ارەكەت ەتە المايدى».
تەحنيكالىق جانە قىزمەت كورسەتۋ كادرلارىن دايارلاۋ, كاسiپتiك بiلiمدi دامىتۋ ماقساتىنداعى قازاقستان-نورۆەگ جوباسى اياسىندا بiلiم العاندار اراسىندا جۇمىسسىزدىق قامىتىن كيگەندەرi دە بار كورiنەدi. ماسەلەنi بiلiم مينيسترلiگi قاراۋعا الاتىن بولدى.
الەۋمەتتiڭ وسى ءتارiزدi سان ساۋالىنا اقپاراتتىق توپ تاراپىنان تولىقتاي جاۋاپ بەرiلدi.
ەلوردادا ەكi كۇن بويى وسىنداي ون توعىز جيىن وتكiزiلۋ جوسپارلانىپ وتىر.
شىنار دوسان