سپورت مەكەمەلەرىندە – «اشىق ەسىك» كۇندەرى
جىلدا ءبىر اينالىپ سوعاتىن, قالا تۇرعىندارى اسىعا كۇتەتىن سپورت اپتالىعىنىڭ بيىلعى باعدارلاماسى دا وتە اۋقىمدى. بۇقارانىڭ قاتىسۋىمەن وتەتىن سايىستاردان بولەك, قالانىڭ سپورتتىق مەكەمەلەرى مەن نىساندارىندا «اشىق ەسىك» كۇندەرى وتەدى.
اتاپ ايتساق 15 تامىز كۇنى «قازاقستان» سپورت سارايى, 16 تامىز كۇنى №1 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبى, №2 بالالار مەن جاسوسپىرىمدەردىڭ سپورت مەكتەبى, «استانا» سۋ دوبىنان سپورت كلۋبى, «داۋلەت» سپورت كەشەنى, №10 بالالار مەن جاسوسپىرىمدەردىڭ شايبالى حوككەيدەن مامانداندىرىلعان سپورت مەكتەبى, 17 تامىز كۇنى №7 بالالار مەن جاسوسپىرىمدەردىڭ مامانداندىرىلعان وليمپيادالىق رەزەرۆ سپورت مەكتەبى, ح.وماروۆ اتىنداعى شاحمات كلۋبى بالالارىن قانداي دا ءبىر ۇيىرمەگە جازدىرعىسى كەلەتىن قالا تۇرعىندارىنىڭ قىزىقتىرعان بارلىق ساۋالدارىنا جاۋاپ بەرىپ, جان-جاقتى تانىستىرادى. كەلۋشىلەر الدىندا سپورت مەكتەبىنىڭ تاربيەلەنۋشىلەرى سپورتتىق ماشىقتارىن كورسەتىپ, ءتۇرلى جارىستار ۇيىمداستىرىلادى. سونداي-اق, وسى كۇندەرى «مەگا» ساۋدا, ويىن-ساۋىق ورتالىعىندا قۇزعا ورمەلەۋدەن كوپشىلىك اراسىندا جارىس جانە شەبەرلىك ساباقتارى وتەدى.