ۇلىستىڭ ۇلى كۇنى كەلدى. كۇن مەن ءتۇننىڭ تەڭەلگەن, جەر مەن كوكتىڭ مەيىرىمگە كەنەلگەن اسىل مەيرامنىڭ ءبىز ءۇشىن ورنى ەرەكشە. دالا دا, قالا دا شۋاققا تولى بۇل كۇندى ەرەكشە اتاپ وتەدى. ءداستۇرلى مەرەكەنى استانا قالاسىنداعى قارجى اكادەمياسىنىڭ كوللەدجى دە ايرىقشا تويلادى.
وقۋ ورنىنىڭ وقىتۋشىلارى مەن ستۋدەنتتەرىنەن قۇرالعان التى اۋىل ءماز-مەيرام بولىپ, تاڭنان جاراپازان ايتىپ, ءبىر-بىرىنە قوناقكادە تارتۋ ەتىپ, ۇلتتىق سالت-داستۇرىمىزدەن كورىنىستەر كورسەتتى.
شاڭىراق كوتەرىلگەن كەڭ ساحنادا ونەر كورسەتكەن تالانتتار ناۋرىز تويىنا جينالعان جارقىن ءجۇزدى جانداردى قۋانانىشقا بولەدى. جاستار ءۇشىن تاربيەلىك ءمانى مەن ماعىناسى زور ءاز-ناۋرىزدىڭ قۇندىلىعى جىل سايىن ارتىپ كەلەدى. ءبىزدى مەيىرىمگە بولەگەن كوكتەم مەيرامىندا بارشا حالقىمىزعا باقىت, ىرىس , ىنتىماق تىلەيمىز.
التايگۇل ماحمەت,
وقىتۋشى
