ىرىس الدى – ىنتىماق
«كونستيتۋتسيا – قازاقستان حالقىنىڭ بىرلىگىنىڭ كەپىلى» اتتى قازاقستان حالقى اسسامبلەياسىنىڭ رەسپۋبليكالىق اكتسياسىنىڭ شەڭبەرىندە دوڭگەلەك ۇستەل وتىرىسى ءوتتى.
استانا قالاسى اكىمدىگى جانىنداعى «قوعامدىق كەلىسىم» ۇيىمىنىڭ جەتەكشىسى باقىتجان ءابىلدينوۆ ءىس-شارانىڭ ماقساتى – ەلىمىزدىڭ اتا زاڭىن تالقىلاۋ ارقىلى قازاقستاندىق ىنتىماقتاستىقتىڭ نەگىزدەرىن بايانداپ, رەسپۋبليكامىزدا جاساپ جاتقان بارشا حالىقتىڭ كونستيتۋتسيا اياسىندا بەكىتىلگەن قۇقىقتارى مەن جاۋاپكەرشىلىكتەرىن تالداۋ ارقىلى جەتكەن جەتىستىكتەرىمىزدى ناسيحاتتاۋ بولىپ تابىلاتىنىن ايتتى. ال «ۆايناح» شەشەن-ينگۋش ەتنومادەني ورتالىعىنىڭ جەتەكشىسى سالمان گەروەۆ ءوز سوزىندە ەل تاۋەلسىزدىگىنىڭ قازاق جەرىندە جاساپ جاتقان بارلىق ۇلت وكىلدەرى ءۇشىن ماڭىزدىلىعىنا توقتالدى. وسى جىلدارى ۇلتتىق باستاۋلارىنا قايتا ورالىپ, ءوز ءدىنىن, ءداستۇرىن, ءتىلىن جاڭعىرتۋعا ءمۇمكىندىكتىڭ نەگىزى كونستيتۋتسيادا قالانعانىن ايتتى. «ءبىز, ورتاق تاريحي تاعدىر بiرiكتiرگەن قازاقستان حالقى, بايىرعى قازاق جەرiندە مەملەكەتتiلiك قۇرا وتىرىپ, جوعارى جاۋاپكەرشiلiگiمiزدi سەزiنە وتىرىپ, ءوزiمiزدiڭ ەگەمەندiك قۇقىعىمىزدى نەگiزگە الا وتىرىپ وسى كونستيتۋتسيانى قابىلدايمىز» دەگەن ەلىمىزدىڭ باستى زاڭىنىڭ العاشقى سوزدەرىن باسا ايتقىم كەلەدى. راسىندا دا, بىزدەر ادام جانە ادامنىڭ ءومiرi, قۇقىقتارى مەن بوستاندىقتارىن ۇلىقتاي وتىرىپ, زايىرلى, قۇقىقتىق جانە الەۋمەتتiك مەملەكەت رەتiندە قالىپتاستىق» دەدى.
جيىن بارىسىندا قالالىق ەتنومادەني ورتالىقتارىنىڭ وكىلدەرىمەن قاتار, كاسىبي مەدياتورلار دا قاتىسىپ, پىكىر الىستى.
ايگۇل ۋايسوۆا