استانا اكىمدىگى «ىستىق سۋ قىمباتتايدى» دەگەن كەيبىر باق-تارداعى اقپاراتتى جوققا شىعاردى.
كەرىسىنشە, 2019 جىلدىڭ 1 قاڭتارىنان باستاپ ىستىق سۋدىڭ ءتاريفىن تومەندەتۋ ماسەلەسى قاراستىرىلۋدا. «بۇعان دەيىن كەيبىر بۇقارالىق اقپارات قۇرالدارىندا تاراتىلعان «استانادا سوڭعى ايدا ىستىق سۋدىڭ باعاسى 25 پايىزعا قىمباتتادى» دەگەن اقپارات شىندىققا جاناسپايدى. كەرىسىنشە, 2019 جىلدىڭ 1 قاڭتارىنان باستاپ ىستىق سۋدىڭ ءتاريفىن تومەندەتەمىز. قازىرگى كەزدە اتالعان شارالاردى قابىلداۋ ءۇشىن قاجەتتى جۇمىستاردى قولعا الدىق» دەپ حابارلادى قالالىق جىلۋ-ەنەرگەتيكالىق كەشەن جانە كوممۋنالدىق شارۋاشىلىق باسقارماسىنىڭ باسشىسى ەربول تولەۋوۆ.
