استانا قالاسىنىڭ اكىمى ي.تاسماعامبەتوۆتىڭ 2014 جىلعى 19 اقپاندا حالىقپەن ەسەپتىك كەزدەسۋى بارىسىندا «ينتەرناتسيونالنىي» تۇرعىن الابىنىڭ تۇرعىنى, زەينەتكەر قوجانتاي بايكەنوۆ اكىمگە ساۋال جولداپ, كۇرمەۋلى جايدىڭ ءتۇيىنىن شەشۋدى سۇراعان بولاتىن.
ماسەلە مىنادا, تۇرعىنجايدان 50 مەتردەن كەم قاشىقتىقتا قازاندىق ورنالاسقان, ياعني, ءۇي قازاندىقتىڭ سانيتارلىق-قورعاۋ ايماعىندا تۇر. قازىرگى ۋاقىتتا كۇل ۇيىندىسىنە قورشاۋ ورناتۋ جۇمىستارى جۇرگىزىلىپ, قازاندىقتاعى اعىمداعى جاعدايدى جاقسارتۋ جونىندەگى ۇسىنىستار قاراستىرىلدى: سۋ قىزدىرۋ قازاندىقتارىن اۋىستىرىلىپ, سۇيىق وتىن قولدانۋ, سونىمەن قاتار, بارلىق قازاندىقتارعا كەلەسى جىلىتۋ ماۋسىمىنا دەيىن شاڭنان, گازدان تازالاۋ قوندىرعىلارىن (تسيكلوندار) ورناتۋ كوزدەلگەن.
كەزدەسۋ بارىسىندا تۇرعىندار قالا باسشىسىنا جالپى جانە جەكە تۇرعىداعى ءتۇرلى سۇراقتار قويدى. تۇرعىندار قوزعاعان ءار ماسەلە ەگجەي-تەگجەيلى زەرتتەلگەننەن كەيىن ءتيىستى شارالار قابىلدانادى.
بۇدان باسقا, «ينتەرناتسيونالنىي» تۇرعىن الابىنداعى «ەسكەندiر» كەشەنىندە اۋلا كلۋبى اشىلدى. جالپى اۋدانى – 400 شارشى مەتر. مەكەمەدە كۇرەس, تەننيس, بي, جاتتىعۋ زالدارى, ەلەكتروندى كىتاپحانا جانە ارداگەرلەر مەن زەينەتكەرلەرگە ارنالعان ۇستەل ويىندارى (شاحمات, دويبى) ءۇشىن جابدىقتالعان دەمالىس بولمەسى بار.
ساعي ورال
