جارمەڭكەدە ساۋدا قىزدى
ءار اپتانىڭ جۇما مەن جەكسەنبىسى ارالىعىندا استانا جانە اقمولا, قاراعاندى وبلىستارىنىڭ تاۋار وندىرۋشىلەرى اۋىل شارۋاشىلىق جارمەڭكەسىن وتكىزۋدە. جارمەڭكە ق.مۇڭايتپاسوۆ اتىنداعى ورتالىق ستاديون مەن «دۋمان» ويىن-ساۋىق ورتالىعىنىڭ تۇراقتارىندا ۇيىمداستىرىلىپ ءجۇر.
22 ءساۋىر – 5 ماۋسىم ارالىعىندا وتكىزىلگەن 24 جارمەڭكەدە جالپى قۇنى 222,7 ملن تەڭگەلىك 434 توننادان ارتىق ءونىم, ال وتكەن دەمالىستا 39 توننا ءونىم ساتىلدى.
جارمەڭكەگە 150 تاۋار جەتكىزۋشى مەن ءوندىرۋشى قاتىسادى. وندا تاۋاردىڭ 500-دەن اسا ءتۇرى ۇسىنىلادى. ونىڭ ىشىندە ەت, بالىق, شۇجىق جانە ءسۇت ءونىمدەرى, جەمىس-جيدەك پەن كوكونىس, ۇن, جارما, ماي جانە تاعى دا باسقا ازىق-تۇلىك تاۋارلارى بار.
جارمەڭكەدەگى باعا بازارداعىدان تومەن. ماسەلەن, 1 كگ كارتوپ – 95 تەڭگە, پياز – 80 تەڭگە, قىرىققابات – 60 تەڭگە, قيار مەن قىزاناق – 400 تەڭگە, ءسۇتتىڭ ءليترى – 160 تەڭگە, ون جۇمىرتقا – 210 تەڭگە.