جاس بوكسشىلار جارىسى

ەلوردا تورىندە بوكستان جاسوسپىرىمدەر اراسىندا رەسپۋبليكالىق جارىس ءوتتى.

استانا قالاسىنىڭ №3 وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر سپورت مەكتەبى ۇيىمداستىرعان ءداس­تۇرلى تۋرنيرگە اقمولا, اق­توبە, اتىراۋ, جامبىل, وڭ­تۇستىك قازاقستان, شى­عىس قا­زاقستان وبلىس­تارى­نىڭ جانە استانا قالاسى­نىڭ كوماندالارى قاتىستى. ءتورت كۇنگە جالعاس­قان جارىستا 120 بوكس­شى شارشى الاڭعا شىقتى.
– بۇل جارىس بيىل ەكىنشى رەت ءوتىپ وتىر. استاناداعى №3 سپورت مەكتەبىنىڭ ديرەكتورى مۇرات ءمۇستافيننىڭ باستاماسىمەن وتكىزىلىپ كەلە جات­قان تۋرنيرگە قاتىسۋشىلار قاتارى جىل سايىن كوبەيىپ كەلەدى. حا­لىقارالىق سايىستاردا ەل نامىسىن قورعايتىن سپورتشىلار وسىنداي جارىس­تاردا شىڭدالادى, – دەيدى ءتۋرنيردىڭ باس تورەشىسى, ايبا-نىڭ حالىقارالىق دارەجەدەگى تورەشىسى, اۋعان­ستان سوعىسىنىڭ ارداگەرى ەربولات ءاشىموۆ.
جارىس قورىتىندىسى بو­يىنشا كوماندالىق ءبىرىنشى ورىنعا استانا قالاسىنىڭ جاس بوكسشىلارى يە بولدى. اقتوبە جانە وڭتۇستىك قا­زاق­­ستان وبلىستارىنىڭ سپورتشىلارى ەكىنشى جانە ءۇشىنشى ورىن­نان كورىندى. ءتو­رەشىلەر ۇيعا­رى­مىمەن استانالىق باپكەر يسا كەن­جەعۇلوۆتىڭ ءشا­كىر­تى ءسابيت قاينار «ۇزدىك بوكس­شى» اتانسا, قازاقستاننىڭ ەڭبەك سىڭىرگەن جاتىق­تىرۋشىسى ءماۋ­لەت مۇس­تا­فين­نىڭ شاكىرتى سىرىم تيمكەن «ۇزدىك تەحنيكالىق شە­بەر­لىگى ءۇشىن» سىيلىعىنا يە بولدى. «جەڭىسكە دەگەن جىگەرى ءۇشىن» سىي­لىعى اق­تو­بەلىك دياس قاراباەۆقا بەرىلدى. سونداي-اق, وسى جا­رىس­قا استانا قالاسىنىڭ «اۋعانستان سوعىسى ءمۇ­گە­دەكتەرى مەن اردا­گەر­لەرى وداعى» قوعامدىق بىرلەستىگى دە ارنايى سىي­لىقتار تا­عايىنداپتى. بىرلەستىك ءتور­اعاسى جا­رىسقا قاتىسقان بار­لىق كوماندالاردىڭ وكىلدەرىنە ەستەلىك سىي­لىق­تار تابىس ەتتى.
وسى جارىستىڭ نە­گىزگى ۇيىم­داستىرۋشىسى استانا قالاسىنىڭ №3 وليمپيادالىق رەزەرۆتەگى مامان­داندىرىلعان بالالار مەن جاسوسپىرىمدەر سپورت مەكتەبىنىڭ ديرەكتورى مۇرات مۇستافين تۋرنيرگە قاتىسۋشى كومان­دالاردىڭ جەتەكشىلەرىنە جانە ءجۇل­­دەگەر اتانعان سپورتشىلارعا العى­سىن ءبىلدىردى.

عالىم قوجابەكوۆ