1 شىلدەدەن باستاپ قازاقستاندا «جاس وتباسى» جاڭا تۇرعىن ءۇي باعدارلاماسى ىسكە قوسىلدى. بۇل تۋرالى «قازاقستاننىڭ تۇرعىن ءۇي قۇرىلىس جيناق بانكى» اق باسقارما ءتورايىمى ءلاززات يبراگيموۆا حابارلادى.
«شاڭىراق كوتەرگەنىنە ءۇش جىل تولماعان جاس وتباسىلار دەپوزيت اشىپ, بىردەن تۇرعىن ءۇي قۇنىنىڭ 50 پايىزىن سالا الادى, سوندا يپوتەكا تومەندەتىلگەن مولشەرلەمەمەن رەسىمدەلەدى. بىزدە نەگىزىنەن 8,5 پايىز, ال جاس وتباسىلار ءۇشىن ارنايى 6 پايىز بەلگىلەدىك. سۇرانىس وتە جوعارى, ءبىر ايدا 1,5 مىڭعا جۋىق دەپوزيت اشىلدى» دەپ ءتۇسىندىردى ل.يبراگيموۆا.
قۇزىرلى مەكەمە باسشىسى قازىر جاس وتباسىن ەسەپتەۋ جاسىن 3-تەن 5 جاسقا دەيىن ءوسىرۋ ماسەلەسى قاراستىرىلىپ جاتقانىن ايتادى. «قازىر كوپتەگەن وتباسىلار: «نەگە 3 جىل؟ 5 جىل دا جاس وتباسى ءۇشىن ۇزاق ۋاقىت ەمەس. ءبىزدى دە قولداڭىزدار» دەپ جازىپ جاتىر. ءبىز بۇل ۇسىنىستاردى قاراستىرامىز. «وتباسى» بانكىنىڭ جەتىلدىرىلۋى تەك قاعاز جۇزىندە عانا ەمەس, ءىس جۇزىندە ورىندالعانى وتە ماڭىزدى. ءبىز بارلىق وتباسىلار ءۇشىن ماماندىققا, الەۋمەتتىك مارتەبەگە قاراماستان, تەڭ قولجەتىمدى بولعانىن قالايمىز» دەدى ول.
