«استانا جاستارى» كمم ۆولونتەرلەر توبى مەن قالا مەتسەناتتارى حالىقارالىق قارتتار كۇنىنە وراي «ارداگەرلەردى ايالايىق» جانە «قامقورلىق مەكەنجايى» اتتى اكتسيا وتكىزدى.
اكتسيا اياسىندا ۆولونتەرلەر توبى ازىق-تۇلىك سەبەتتەرىن جالعىز تۇراتىن زەينەتكەرلەرگە, مۇمكىندىگى شەكتەۋلى جاندارعا, تىل ەڭبەككەرلەرى مەن ۇلى وتان سوعىسىنىڭ ارداگەرلەرىنە تابىستادى. «بۇگىن حالىقارالىق قارتتار كۇنىنە وراي قاريالارعا ازىق-تۇلىك تاراتۋدى جالعاستىرىپ وتىرمىز. بۇل بىزدە جىل بويى ۇيىمداستىرىلىپ تۇرادى. ال جۇمسالاتىن قارجىنى قالالىق اكىمدىكتەن المايمىز. ونى قايىرىمدى جاندار بولەدى. نيەت بىلدىرگەن كىسىلەر ءبىزدىڭ ورتالىققا قالاعان مولشەردە قارجى اۋدارىپ جاتادى. ءبىز ونى قايىرىمدىلىققا باعىتتايمىز» دەدى «استانا جاستارى» كمم ەرىكتىلەر قوزعالىسىن دامىتۋ ءبولىمىنىڭ مامانى ايزات ءالي.
جاستاردى قايىرىمدىلىققا, قارتتارعا قارايلاسۋعا باۋليتىن يگىلىگى مول ءىس وسىعان دەيىن دە وتكىزىلىپ كەلگەن. اتاپ ايتقاندا, سوڭعى 2 اي ىشىندە 80-نەن اسا سەبەت تاراتىلىپتى. ۆولونتەرلەر «ەرىكتىلەر مەكتەبىندە» كوماندانى قۇرۋ جانە ءتۇرلى بىلىكتىلىكتەرىن ارتتىرۋ ءۇشىن وقىتۋدان وتەدى. قازىر ورتالىقتا تۇراقتى 300 ەرىكتى بار. ولار قالالىق, حالىقارالىق, ەكولوگيالىق جانە الەۋمەتتىك ءىس-شارالارعا قاتىسادى.
فاريدا كاريموۆا
