نۇر-سۇلتان قالاسىنىڭ جەدەل جاردەم بريگاداسى جەدەل مەديتسينالىق كومەك بريگادالارىنىڭ جانە قابىلداۋ بولىمشەلەرىنىڭ IV رەسپۋبليكالىق جارىسىنىڭ قورىتىندىسى بويىنشا ۇزدىك دەپ تانىلدى.
ەلىمىزدىڭ 17 ايماعىنان كەلگەن مەديتسينا قىزمەتكەرلەرىنىڭ ءبىلىكتىگىن قازاقستاننىڭ مەديتسينالىق جوعارى وقۋ ورىندارى مەن ۇيىمدارىنىڭ وكىلدەرىنەن قۇرالعان قازىلار القاسى, سونداي-اق يتاليا مەن گەرمانيانىڭ ساراپشىلارى باعالادى. جارىس بارىسىندا كوماندالار انافيلاكتيكالىق شوك, بالالاردىڭ جان ساقتاۋ ءبولىمى, جارتىلاي جارىقتاندىرۋ كەزىندە شۇعىل كومەك كورسەتۋدە شەبەرلىگىن كورسەتتى. شارتتى تۇردە العان وقيعا ورنىندا مانەكەندەر مەن ناۋقاستاردى بەينەلەيتىن ادامدار قولدانىلدى.
بۇگىندە ارنايى بريگادالاردىڭ جۇمىلدىرىلعان كۇشىن ورايلاستىرعان ديسپەتچەرلىك قىزمەتتىڭ ءمىنسىز ارەكەتىنە قوسا, قوسالقى ستانسالاردىڭ ءتيىمدى ورنالاسۋى جانە قالانىڭ ستاتسيونارلارىنداعى دارىگەرلەرمەن جەدەل جاردەم بريگادالارىنىڭ تىعىز بايلانىسىنىڭ ارقاسىندا ءارى گوسپيتاليزاتسيالاۋ جۇيەسىندەگى ناقتى جەتىستىكتەر وسىنداي جەڭىسكە جەتكىزىپ وتىر.
ايتا كەتۋ كەرەك, 103 قىزمەتى تاۋلىگىنە 2900-گە دەيىن ءوتىنىش قابىلداپ, 1800-گە دەيىن قىزمەت كورسەتەدى. تاۋلىگىنە ەلورداعا 80 جەدەل جاردەم جانە 24 العاشقى مەديتسينالىق سانيتارلىق كومەكتىڭ شۇعىل جاردەم بريگاداسى قىزمەت كورسەتەدى. ەلوردالىق جەدەل مەديتسينالىق جاردەم ستانساسى جوعارى بىلىكتى ماماندارى بار جانە ءوز ارسەنالىندا زاماناۋي جابدىقتارى, ءدارى-دارمەكتەر مەن سانيتارلىق اۆتوكولىگى بار قالانىڭ جەتەكشى ەمدەۋ-الدىن الۋ مەكەمەلەرىنىڭ ءبىرى بولىپ تابىلادى.
