«حان شاتىر» ساۋدا – ويىن-ساۋىق ورتالىعىنا جەر استى وتپە جولىن سالۋعا بايلانىستى تۇران داڭعىلىمەن قيىلىساتىن د.قوناەۆ كوشەسىنەن دوستىق كوشەسىنە دەيىنگى ارالىق 20 تامىزعا دەيىن جابىلادى» دەپ حابارلادى كەشە قالا اكىمدىگىندە وتكەن ءباسپاسوز ءماسليحاتىندا جولاۋشىلار تاسىمالى ورتالىعى ديرەكتورىنىڭ ورىنباسارى جومارت داۋمەنوۆ.
جەراستى وتپە جولىن سالۋ قۇرىلىسى كەشە تۇندە باستالدى. قۇرىلىس كەزىندە كولىك جۇرگىزۋشىلەردىڭ نازارىنا قاجەتتى ەسكەرتۋ, تىيىم سالۋ جونىندەگى جول بەلگىلەرى ىلىنەتىن بولادى.
«بۇل – استانادا سالىنىپ جاتقان 10-ىنشى جەراستى جول وتپەسى. ونى ءبىز اتالعان جول تەلىمىندە قوزعالىستى جەڭىلدەتۋ ءۇشىن سالىپ جاتىرمىز. بۇل – حالىق كوپ شوعىرلاناتىن جەر. وندا «عاشىقتار» ساياباعى, «استانا-وپەرا» تەاترى بار. سوندىقتان جەراستى وتپەسىن سالۋ قاجەتتىگى تۋىنداپ وتىر» دەدى. جول پوليتسياسى باسقارماسى باسشىسىنىڭ ورىنباسارى قالي ايماعامبەتوۆ.
سونىمەن قاتار, ول اۆتوجۇرگىزۋشىلەرگە جول ءجۇرۋ باعىتتارىن الدىن الا انىقتاپ, ۋاقىتشا: قوناەۆ كوشەسى – قابانباي باتىر داڭ-
عىلى – دوستىق كوشەسىمەن جانە كەرى قاراي دا وسى سىزبا بويىنشا نەمەسە «حان شاتىر» سوو ارتىنداعى اينالما جولمەن باتىس باعىتى بويىنشا ءجۇرۋدى ۇسىنادى.
جۇك ماشينالارى قوزعالىسى تۇران داڭعىلىندا سىعاناق كوشەسى مەن قورعالجىن تاس جولىنا دەيىن شەكتەلەدى. وندا مىنا: سىعاناق كوشەسى – بەيسەكوۆا كوشەسى – قورعالجىن تاس جولى – تۇران داڭعىلىمەن, كەرى قاراي دا وسى سىزبا بويىنشا ءجۇرۋ ۇسىنىلادى. قوعامدىق كولىك «حان شاتىر» سوو ارتىنداعى اينالما جولمەن باتىس باعىتى بويىنشا جاڭادان قويىلعان ءۇش ايالداماعا توقتاپ جۇرەدى.
