كونگرەسس-حولدا مەرەيتويلىق شارالاردىڭ ءبىرى – جاس دارىندارعا قانات ءبىتىرىپ, بولاشاعىنا جول اشقان رەسپۋبليكالىق «ءان جۇرەگىم – استانا» بايقاۋىنىڭ گالا-كونتسەرتى ءوتتى.
بايقاۋدىڭ باستى ماقساتى – استانانىڭ ءيميدجىن كوتەرەتىن اۆتورلىق اندەردى انىقتاپ, كومپوزيتورلار مەن اقىنداردىڭ, جاس ورىنداۋشىلاردىڭ شىعارماشىلىعىن ناسيحاتتاۋ جانە تالاپتى تالانتتاردى ىزدەپ تاۋىپ, ۆوكالدى, پوەتيكالىق جانە كومپوزيتورلىق ونەردى بىرىكتىرۋ بولاتىن. سوندىقتان دا كوپشىلىكتىڭ كوڭىلىنەن شىققان بۇل شارا جاس قاتىسۋشىلاردىڭ شابىتىن شارىقتاتىپ, مەرەيلەرىن ۇستەم ەتتى.
ناتيجەسىندە, 1-ورىندى قىزىلوردالىق سەرىك يبراگيموۆ جەڭىپ السا, 2-ورىندى الماتىلىق الىبەك الماديەۆ يەلەندى. ال, 3-ورىندى اقتوبەلىك ازامات بەكبەرگەنوۆ مىسە تۇتىپ, سەمەيدەن كەلگەن «كەربەز» دۋەتى ديپلومانت اتاندى. بايقاۋدىڭ ارنايى ديپلومىمەن باقىتجان ۋراحاەۆ پەن ەكىباستۇزدىق سايران برالينا ماراپاتتالدى.
عالي تولەك
