Астана
Бас қалада балалар мекемелерінің маңындағы жолдардың апатқа қауіпті учаскелерінде сырғанауға кедергісі бар қызыл жолақтар төселді.
Алматы облысы
Облыс полицейлері із-түзсіз жоғалған зейнеткерді тауып алды. Алматы қаласының ауруханаларының біріне ауыр жарақатпен түскен қарт кісіге белгісіз біреулер қарақшылық шабуыл жасаған. Қазір күдіктілер анықталып, қамауға алынды.
Атырау облысы
Атырау қаласында алғаш рет парадзюдодан әлем кубогы өтуде. Оған 200-ге жуық балуан қатысып жатыр.
Батыс Қазақстан облысы
Орал қаласындағы ҚР Тұңғыш Президенті алаңында республикалық Сабантой мейрамы тойланды. Оған Татарстан елінен делегация қатысты.
Қостанай облысы
Астықты өлкеде егін орағы қызу жүріп жатыр. Бүгінгі күнге дейін егіннің 33 пайызы орылған. Астықтың орташа түсімі гектарынан 10,5 центнерден болып отыр.
Павлодар облысы
Аймақта жарияланған «Экология жылы» аясында Павлодар қаласының маңында 800 гектарлық жасыл белдеу құрылады.
Жамбыл облысы
Облыстағы 12 км астам магистральдық жылу желілері ауыстырылады.
Түркістан облысы
Түркістан облысында 43 мың тұрғынның айлығы 60 мың теңгеден аспайды. Бұл туралы облыстық Мемлекеттік кірістер департаментінің басшысы Әлібек Тілегенов «Нұр Отан» партиясы жанындағы қоғамдық кеңестің кезекті отырысында мәлімдеді.
Шымкент
Шымкент қаласына «7-20-25» бағдарламасы бойынша тұрғын үй құнының лимиті 25 млн теңгеге дейін ұлғайтылды. Бұрын бұл сома 15 миллион теңге болған.
