БілімЖаңалықтарҚала тіршілігіМәдениет
«АЯЛАҒАН АСТАНАНЫҢ» МУЗЫКАЛЫҚ МЕКТЕБІ АШЫЛДЫ
Елордада «Аялаған Астана» ұлттық музыкалық телевизиялық балалар байқауының жеңімпаздарына арналған арнайы музыкалық мектеп ашылды.
Соған орай, 1 маусым – Халықаралық балаларды қорғау күні байқауға дайындалуға еліміздің әр аймағынан 16 дарынды бала Астанаға келді. Енді олар музыкалық мектепте маусым айы бойы өздерінің вокалдық қабілеттерін шыңдайды. Оған қоса, «Zaratushtra Band» оркестрінің сүйемелдеуімен қала күні қарсаңында өтетін телевизиялық шоуға дайындалады. Қазір жас өнерпаздар актерлік шеберлік, сольфеджио, вокал бойынша дәріс беретін ұстаздарымен танысып, концертке дайындықты бастап кетті. Бірі жеке ән орындаса, кейбірі топта өнер көрсетеді. Байқау «Балалық шақ әнұраны», «Жұлдыздармен дуэт және әлемдік хит», «Атамекен» атты үш кезеңнен тұрады.