ӘЗ-НАУРЫЗҒА ӘЗІРЛІК
Елорда тұрғындары да қазірден бастап мерекелік көңіл-күй ауанына бөленуде. Бас қала көшелеріне орнатылған мүсіндер шығыс халықтарына ортақ мерекенің төрімізге келіп қалғанын сездіруде.
Әз-Наурыз – Жаңа жылымыздың жаршысы ғана емес, елімізде тұрып жатқан жүзден астам ұлттарды ұйыстыратын мерекеге айналды. Осы күні қазақ та, орыс та, кәріс те, неміс те басқа ұлттар да тайлы-тұяғы қалмай, алаң басына жиналып, наурыз көже ішіп, бір-біріне жақсы тілектер тілеп, ән салып, би билеп, ұлттық спорт ойындарын тамашалайды. Жан-жағына шуағын шашқан бұл мерекенің келуіне де бір аптадан сәл асатын уақыт қалды. «Игіліктің ерте кеші жоқ», әз-Наурызың құтты болсын, ағайын!
Материалды “Астана ақшамы” газетінің astana-akshamy.kz ресми сайтына сілтеме жасағанда ғана пайдалануға рұқсат етіледі.