Байқауда бақ сына!
Жыл сайынғы дәстүрлі «Esil winter» фестивалі аясында балалар арасында «Нұр-Сұлтандағы қысқы ертегі» шығармашылық байқауы жарияланды. Қабылдау желтоқсанның 1-інен 13-іне дейін жалғасады.
Байқауға қатысушы өз туындысын Instagram-да #EsilWinter2021 хештегімен жариялау керек немесе akimat.esil@mail.ru поштасына жолдауға, Қабанбай батыр, 33 мекенжайына келіп, аудан әкімдігінің әлеуметтік сала бөліміне тапсыруына болады.
Жеңімпаздарды таңдау Instagram-ның @esil_winter_2021 парақшасында тұрғындардың дауыс беруі арқылы өткізіледі.
Жарыстың нәтижесі 16 желтоқсанда жарияланады. Байқауға қатысушы аты-жөнін, жасын (18 жасқа дейін), шығарманың атауын, уақытын, форматын (А4 немесе А3) көрсетуді ұмытпау керек. Жеңімпаздардың туындылары Ғашықтар бағындағы «Қысқы ертегі» галереясына қойылады.