«Көктал-2» елді мекені орталық жылу жүйесіне қосылады. Кешкілік аралау кезінде елорда әкімі жылумен қамтамасыз ету нысандарын салу және қайта жаңарту барысымен танысты.
Н.Тілендиев даңғылындағы жылу магистралі «Ақ тілек», «Көктал-2», «Ұлытау», «Жеті жол», Сарыарқа ауданында орналасқан 8 үйді орталықтандырылған жылуға қосуға мүмкіндік береді. Мұндағы тұрғындардың жалпы саны 7 мыңнан асады. Қала басшысы тұрғын үй кешендерін келесі жылыту маусымы басталғанға дейін орталық жылу жүйесіне қосу қажеттігін, бұл ретте ПИК-тер үйлерді жылыту орталығына қабылдауға дайын болуын ескертті.
