Astana jäne Qoiandy su qoimalaryna sarboiandyq tūqy dep atalatyn 12 myŋ şabaq jıberıldı. Şabaqtardyŋ mölşerı 2-3 santimetrden aspaidy. «Jas Nūr» öndırıstık-şaruaşylyq käsıporny mamandarynyŋ aituynşa, aldaǧy jazda balyq aulau mausymyna qarai olar 35-40 santimetrge deiın ösedı, al salmaǧy 400 gramǧa jetedı. Balyqşylardyŋ qarmaǧy men şortannan aman qalǧan jaǧdaida tūqylardyŋ salmaǧy bır jarym kilogramǧa juyq boluy mümkın.
Nelıkten taŋdau balyqtyŋ būl türıne tüstı? Tūqylar 70 jyl būryn Qazaqstannyŋ astanasy ornalasqan dalalyq klimattyq jaǧdaidaǧy jerge ädeiı äkelıngen. «Jas Nūr» öndırıstık-şaruaşylyq käsıpornynyŋ basşysy Nūrjan Smaǧūlov balyqtyŋ temperaturanyŋ özgeruıne öte tözımdı ekenın, aşy da, tūşy da suda tırşılık ete beretının aitty. Ärı Astana maŋy su qoimalaryndaǧy qamys öskınderınen bastap, baqa uyldyryǧy men şaianǧa deiıngı barlyq närsemen qorektenetının atap öttı. Balyq elordalyq balyqşylar arasynda dämdılıgımen tanymal.
Şabaqtar «Maybalyk» inkubasiialyq balyq pitomnigınde ösırılıp, «Jas Nūr» qyzmetkerlerı arqyly su qoimalarǧa jetkızılıp otyr. Şabaqtar jyl saiyn ösırılıp, su qoimalaryna jıberıledı. Kelesı jyldyŋ köktemınde käsıporyndar su qoimalaryndaǧy sarboiandyq tūqy balyqtarynyŋ sanyn 2 millionǧa deiın köbeitudı josparlap otyr.
Būl biologiialyq tepe-teŋdıktı saqtau jäne su keŋıstıgın tabiǧi tazartu maqsatynda jüzege asyrylady. Mūndai aksiialardy barlyq balyq şaruaşylyǧy ūiymdary eldıŋ su aidyndaryndaǧy balyqtardyŋ türlık sanyn saqtau jäne ūlǧaitu üşın jüzege asyrady. Atalǧan jūmystar Ekologiia, geologiia jäne tabiǧi resurstar ministrlıgı Balyq şaruaşylyǧy komitetınıŋ jäne auyldyq okrugter äkımdıkterınıŋ baqylauymen ötkızıledı. Balyqtyŋ belgılı bır tūqymyn taŋdau mamandardyŋ ǧylymi zertteulerınıŋ nätijelerı boiynşa jasalady. Astanalyq balyqşylarǧa jaqyn maŋdaǧy su aidyndarynan balyq aulau üşın öndırıstık-şaruaşylyq käsıpornynan joldama satyp alu jetkılıktı.
Qanat Omarov
