Aimaqtar tartuy — astanaǧa
Qazaqtyŋ kındık qalasyndaǧy Nauryz toiyna elımızdıŋ bırneşe aimaqtarynan arnaiy delegasiia keledı. Olar astanalyq aǧaiyndy äsem än men tättı küige bölep qana qoimai, özderınde şyǧarylatyn önerkäsıp, auyl şaruaşylyǧy, qolöner önımderınıŋ järmeŋkesın ötkızedı.
Elordamyz ädemı küige enude
Ūlystyŋ ūly künın qarsy aluǧa biylǧy daiyndyq tötenşe joǧary deŋgeide ekenın Astana köşelerınıŋ ajarynan tanisyŋ. Qalany merekelık bezendırudı būl joly audandyq äkımdıkter «AdvArt» syrtqy jarnama agenttıgıne tapsyrǧan.
– Qalanyŋ ortalyq köşelerınde 28 bilbord, 72 pilon, 25 rotonda, 10 ekstruder merekelık naqyşta bezendırıldı. «Qazaq elı», «Bäiterek» monumentı siiaqty maŋyzdy alaŋdarǧa türlı-tüstı jalaular ılınedı, al «Arai», «Jerūiyq» saiabaqtarynyŋ aldynda köktemgı tabiǧattyŋ jaŋǧyruyn aişyqtaityn jalauly pannolar qoiylmaq. Oǧan türlı formada dekorativtı jaryq elementterımen bezendırılgen köşedegı şamdardy, şaǧyn gülzarlar men tal-terekterdı, köpırlerdı, subūrqaqtardy qosyŋyz. Üş jerde – Oquşylar saraiynyŋ aldynda, Türkıstan jäne Dostyq köşelerınıŋ qiylysynda, «Keruen» SOO maŋaiynda «Auyl» kompozisiiasy ornatyldy. Qalanyŋ kölık nöpırı köp 15 kürejolyna jäne 4 köpırıne qūttyqtau sözı bar, jaryqpen bezendırılgen arkalar jasalyndy jäne kısı aiaǧy köp jüretın köşe qiylystaryna qyzǧaldaq, tört tülık siiaqty nauryz nyşandaryn beineleitın şaǧyn arhitekturalyq formalar qoiyldy, – dep habarlaidy atalmyş jarnamalyq-öndırıstık kompaniianyŋ direktory Iаn Viktorovich.
Jalt-jūlt jaryq şouy
Biylǧy Nauryz meiramy Astana tūrǧyndary men qonaqtary üşın qalany erekşe sän-saltanatqa böleitın jaryq-şaşu şouymen bastalatyn bolyp otyr. Būl körınıstı jaryqtandyru salasynyŋ älemge äigılı dizainerı Kurt Vermiulen Astana qalasy äkımdıgınıŋ şaqyruymen kelıp körsetpekşı. Jaryq şouy 2013 jyldyŋ 20 nauryzynda saǧat 21.00-de elordamyzdyŋ ädemı jerlerınde körsetılmekşı.
Ädemılıgı jaǧynan taŋǧajaiyp būl körınıs körermenderdı airyqşa äserge böleitını sözsız. Dizainerdıŋ jaryq berudegı özındık şyǧarmaşylyq qabyldauy, säulettık jobalarǧa qatysty emosionaldyq jäne innovasiialyq közqarastary, sondai-aq, pragmatikalyq, perfeksionistık jäne tehnikalyq bılımın körkemdık ädıste paidalanuy men avtordyŋ oi-qiialynyŋ jemısı osyndai keremet öner jasauǧa mümkındık beredı.
Jaryq şouy – Nauryz meiramy merekesıne arnalǧan saltanatty ıs-şaralardyŋ özındık bır bastauy. Biylǧy jyly Astana qalasynyŋ 15 jyldyǧy qarsaŋynda, qalamyzda şyǧys Jaŋa jylyn oidaǧydai toilau üşın respublikanyŋ barlyq aimaqtarynan delegasiialar keledı. Qaz-qatar kiız üiler tıgılıp, halyqtyq köpşılık seruenge bükıl qala tūrǧyndarynyŋ qatysuyn qamtidy.
Sonymen, erteŋ keşke qarai Astanada jaryq-şaşu dumany bastalyp, jūrtşylyqty Nauryz meiramynyŋ qyzyǧyna şaqyratyn bolady. Ädemılıgı jaǧynan taŋǧajaiyp būl körınıs astanalyqtar men elorda qonaqtaryn airyqşa äserge böleitını sözsız. Olai bolsa, köşege şyǧyp, keremet körınıstı tamaşalaiyq, aǧaiyn, demekpız.
Aimaqtar järmeŋkesıne asyǧyŋyzdar!
Ūlystyŋ ūly künı jaqyndaǧan sa-iyn Astanada merekege daiyndyq jūmystary qyza tüsude.
Keşe qalalyq äkımdık merekelık şarany toilauǧa qatysty maŋyzdy mälımet taratty. Nauryz toiynyŋ eŋ auqymdy baǧdarlamasy «Qazaq elı» monumentı aldyndaǧy alaŋda ötpekşı. Būl şaranyŋ erekşelıgı Aqmola, Pavlodar, Soltüstık Qazaqstan, Qyzylorda, Almaty oblystarynan jäne basqa öŋırlerden kelgen käsıporyndar öz önımderın satylymǧa şyǧaratyn bolady. Sondai-aq, oblystardan kelgen ökıltop arnaiy şatyr tıgıp, onda astanalyqtarǧa arnap dastarqan jaiudy da josparlap otyr.
Astana qalasy Käsıpkerlık jäne önerkäsıp basqarmasynyŋ habarlauynşa, jüzden astam önerkäsıp oryndary qatysatyn būl şarada 150 tonnadai önım satylymǧa şyǧarylmaqşy. Atap aitqanda, järmeŋkege 3 tonna et önımderı, 22 tonna şūjyq, 20 tonna süt önımderı, 15 tonna künbaǧys maiy, 1 jarym tonna jūmyrtqa, jarty tonna saŋyrauqūlaq, 15 tonnadai nan jäne konditer önımderı, 3 tonna kämpit, 3 tonna tosap, 1jarym tonnadai qiiar, 3 tonna qymyz, 1 tonna şūbat, 2 tonna bal, 2 tonna mineraldy susyn, 4 tonna şyryn, 3 tonna balyq önımderı, 15 tonna kürış pen jarma, taǧy basqa azyq-tülık önımderı jetkızılmekşı. Sonymen qatar, on bes şaqty qoǧamdyq tamaqtanu käsıporyndary da qatyspaqşy. Al, Ortalyq alaŋda ötetın merekelık şarada onnan astam, «Atameken – Qazaqstan kartasy» etno-memorialdy keşenı maŋynda ekı meiramhana, dämhana ūjymy qyzmet körsetedı.