ASTANA TARİHYN AIŞYQTAIDY
Keşe L.N.Gumilev atyndaǧy Euraziia ūlttyq universitetınde «Astana – Täuelsızdık tūǧyry» (Astana25.kz) veb-derektı jobasynyŋ tūsaukeserı öttı. Atalǧan jobany student jastarǧa Astana qalasy Işkı saiasat basqarmasynyŋ basşysy Erlan Qanalimov tanystyrdy.
Täuelsızdıktıŋ 25 jyldyǧyna orai Astana äkımdıgı tartu etıp otyrǧan veb-derektı joba köpşılık qauymǧa arnalǧan. Sebebı būl jobada şirek ǧasyrda elımızdıŋ basynan ötkızgen aituly oqiǧalar ūsynylǧan. Mysaly veb-derektı jobada arhivtık fotolar men videokadrlar sättı berılgenın baiqauǧa bolady. Multimediialyq longrid formatynda oqyrmandarǧa 1991 jyldan bastap Astananyŋ millionynşy tūrǧynynyŋ düniege keluıne deiıngı airyqşa sätterı qamtylǧan.
Erlan Qanalimovtyŋ aituynşa veb-derektı joba Qazaqstan tarihyna qyzyǧuşylyq tanytqan oqyrmanǧa taptyrmas derekközı bola alady. Sondyqtan da ol atalǧan jobanyŋ qazaq, orys jäne aǧylşyn tılderınde daiyndauǧa erekşe män bergenın tılge tiek ettı.
– Veb-derektı formatty Egemendıkke jetu jolyndaǧy Qazaqstan men jaŋa Astanamyz tarihyn ülken auditoriiaǧa jetkızudıŋ tiımdı täsılı retınde taŋdap aldyq. Täuelsızdıktıŋ 25 jylynda Elbasymyz Nūrsūltan Nazarbaevtyŋ basşylyǧymen eldı damytuǧa qatysty qyruar ıster atqaryldy. Bügınde qazaqstandyqtar būl jaily älemge jar salyp, maqtanyşpen aita alady. Būl jobanyŋ bır erekşelıgı aldaǧy uaqytta mūny tolyqtyryp, baiyta tüsuge mümkındık bar. Eger erteŋ saitty körıp, qandai da bır tolyqtyrular engızu kerek bolsa, ūsynystaryŋyzdy joldauǧa bolady. Öitkenı jas bolǧannan keiın oilaryŋyzda jaqsy ideialar bolady dep esepteimın. Osy rette Astana äkımı Äset İsekeşevtıŋ multimediialyq jobany jasau ideiasyn qoldaǧanyna quanyşty ekenımdı aityp ötkım keledı, – dedı basqarma basşysy.
Erlan Qanalimovtyŋ aituynşa atalǧan joba aldaǧy uaqytta qaladaǧy mektepterdıŋ tarih pänınıŋ mūǧalımderıne tanystyrylady.
Serık QŪDAIBERGENŪLY