Juyrda Nūr-Sūltan qalasynyŋ äkımı Altai Kölgınovtı qabyldaǧan Qazaqstan Prezidentı Qasym-Jomart Toqaev astanany abattandyru jūmystaryna tyŋ serpın berudı tapsyrdy. Rasymen, ötken jiyrma bır jylda bas qalany körkeitu boiynşa atqarylǧan ıs az emes bolsa da, alda älı de jasaluy tiıs auqymdy jūmystar bar. Sonyŋ ışınde aulalardy abattandyru, kögaldandyru, ışkı oramdyq joldardy jöndeu men jaryqtandyru jūmystary üzdıksız jürıp tūruy tiıs.
Qazır qala aumaǧynda 1560 aula bar. Olardyŋ 1087-sı nemese 69,7 paiyzy abattandyrylǧan. Būl jūmys Almaty jäne Esıl audandarynda jaqsy jürıp jatyr. Alǧaşqy atalǧan audanda abattandyru körsetkışı 90,4 paiyzdy qūrasa nemese 387 aulanyŋ 350-ı körkeitılse, ekınşısınde būl körsetkış 89,2 paiyz (399 aulanyŋ 356-sy abattandyrylǧan) şegınde tūr.
Qalanyŋ eskı bölıgındegı Baiqoŋyr jäne Saryarqa audandarynda būl ıs sylbyrlau. Atap aitqanda, Baiqoŋyrda aulalardyŋ 61,5 paiyzy (234 aulanyŋ 144-ı) abattandyrylsa, Saryarqadaǧy körsetkış būdan da tömen, iaǧni abattandyru 44 paiyzdy ǧana (540 aulanyŋ 237-sı) qūraidy.
Osy jyly qala boiynşa jalpy 110 aulany abattandyru közdelude. Audandarǧa bölgende Almatyda 37 aula körkeiedı. Iаǧni būl audanda aulalar mäselesı 100 paiyz şeşıledı. Esılde 10 aula, Baiqoŋyrda 23 aula, al Saryarqada 40 aula jöndeledı. Bız keltırgen sifrlar osy keiıngı atalǧan audanda abattandyrudy qarqyndy jürgızu kerektıgın körsetıp otyr. Būǧan atalmyş audannyŋ «Biudjetke qatysu» jobasy da septesedı dep oilaimyz. Künı keşe ǧana osy joba aiasynda atqarylǧan jūmystardy körıp kelgen qala äkımı Altai Kölgınov te osyǧan nazar audardy.
Keiıngı jyldary Nūr-Sūltan qalasynda saiabaqtar men şaǧyn baqtardyŋ köbeigenın qala tūrǧyndary baiqap otyrǧan bolar. Basqasyn aitpaǧanda, sol jaǧalaudaǧy 87,91 gektar aumaqty alyp otyrǧan Botanikalyq baqtyŋ özı nege tūrady! Atauy aityp tūrǧandai, būl baq halyqtyŋ demalysy üşın ǧana emes, ǧylymi-zertteu jūmystaryn jürgızu maqsatynda da boi köterdı. Körkımen alystan köz tartatyn nysan älı talai adamdy tamsandyrady dep oilaimyz.
Jalpy elorda aumaǧynda osy künderı 455 myŋ aǧaş ösıp jatyr. Biyl taǧy 31900 aǧaşty otyrǧyzu josparlanuda. Esıl audanynda – 15 myŋ, Almatyda – 9 myŋ, Baiqoŋyrda – 7 myŋ jäne Saryarqada 900 aǧaş egılmek.
Şahardaǧy jalpy aumaǧy 14500 şarşy metrdı qūraityn 81 aulaışılık jol jöndeldı. Sonyŋ eŋ köbı Esıl audanynda – 50 jol. Odan keiıngı oryndarynda Saryarqa – 12, Baiqoŋyr – 10 jäne Almaty – 9. Ärine, jöndelgen aulaışılık joldardyŋ ūzyndyǧy bärı bırdei emes. Şarşy metrlerge şaqqanda Esıl men Almaty aldyŋǧy orynǧa şyǧady. Būl audandardyŋ körsetkışı bırdei, iaǧni aulaışılık joldardyŋ 4500 şarşy metrı jöndelgen. Baiqoŋyrda 3000 şarşy metr jäne Saryarqada 2500 şarşy metr jöndeldı.
Biyl elordadaǧy 857 üige 2881 jaryqtandyru qondyrǧylary ornatyldy. Alaida älı de jetkılıksız. Nūr-Sūltan äkımı Altai Kölgınov alǧaşqy ret qalany aralauǧa şyqqanda, qalanyŋ tırşılıgın qamtamasyz etetın maŋyzdy nysandarǧa barǧanymen qatar, şahardy jaryqtandyrudy da tekserdı. Jaǧdaimen tanysyp şyqqannan keiın «Şahar balansyna alynbaǧandyqtan, qalada şamdary janbai tūrǧan nemese müldem jaryǧy joq köşeler bar. Būǧan jol beruge bolmaidy. Onyŋ üstıne būl köşelermen eresek adamdarmen qatar balalar da jüredı. Äsırese, jazǧy kanikul uaqytynda jetkınşekter osy köşeler boiymen köp qatynaidy. Sondyqtan qauıpsızdık mäselelerı şūǧyl ärekettı qajet etetının tüsınuımız kerek» dep, tiıstı tapsyrmalardy berdı.
Sözımızdı tüiındei kelgende, körsetılgen mäselelerdıŋ bärı – abattandyru da, kögaldandyru da, joldardy jöndeu de, jaryqtandyru da qala kelbetı men şahar tūrǧyndarynyŋ qauıpsızdıgıne baryp tıreledı. Al būl mäselelerge nemqūraily qarauǧa bolmaityny beseneden belgılı.
