Astana künı qarsaŋynda Qazaqstan tūrǧyndary «Aialaǧan Astana» muzykalyq balalar baiqauynyŋ qorytyndysyn tamaşalaidy.
Final «Balalyq şaq änūrany» (4 şılde), «Jūldyzdarmen duet jäne älemdık hit» (5 şılde), «Atameken» (6 şılde) degen taqyryptarmen üş künge sozylady. Osy künder qorytyndysyna säikes, halyqaralyq qazylar alqasy men telekörermender «Balalar jaŋa tolqynynda» Qazaqstan namysyn qorǧauǧa mümkındık alatyn Gran-pri iegerın anyqtamaq. Sonymen qatar, jüldelı oryndar, körermen közaiymy men 1 million teŋge kölemınde arnauly qarjylai syilyqtar qarastyrylǧan.
«Aialaǧan Astana» jobasynyŋ nauryz-säuır ailarynda ötkızılgen ırıkteu kezeŋıne Almaty, Taldyqorǧan, Taraz, Şymkent, Qyzylorda, Qostanai, Oral, Atyrau, Aqtau, Aqtöbe, Qaraǧandy, Pavlodar, Semei, Kökşetau, Petropavl, Astana siiaqty 16 qalasynan 8-12 jasar myŋ önerlı ören qatysty. Mamyr aiynyŋ orta şenınde sarapşylar biylǧy öner dodasynda finalǧa şyqqan eŋ talantty 17 balanyŋ esımın atady. Olar – Luiza Nūrquatova (Aqtau), Zamira Saǧadieva (Zerendı), Daniia İşanqūlova (Oral), Saǧynǧan Quanǧan, Jahan Qabıken, Mūhammedäli Jügınısov (Astana), Dilnaz Tölegen, Dias Omar (Qyzylorda), Nastia Perşikova, Malika Smaǧūlova (Pavlodar), Dilnura Bırjanova (Qaraǧandy), Ǧalimūrat Äbdımanapov (Jezkazǧan), Janaikerım Ötegenov (Qostanai), Aldiiar Oreken (Ekıbastūz), Ädılet Meirambekov (Kökşetau), Iаsmin Majitova, Alua Bereşeva (Almaty).
1 mamyr – Halyqaralyq balalardy qorǧau künı Astanada «Aialaǧan Astana» ūlttyq muzykalyq televiziialyq balalar baiqauynyŋ finalisterınen qūralǧan muzyka mektebı aşyldy. Mereke künı bır-bırımen alǧaş jüzdesken balalar Lina Arifullinanyŋ şeberhanasyndaǧy mäskeulık täjıribelı ūstazdarmen tanysty. Finalister mausym aiy boiy astanalyq muzyka mektebınde vokaldyq qabıletterın şyŋdap, Ruslan Būtabaevtyŋ jetekşılıgındegı «Zaratushtra Band» jandy orkestrınıŋ süiemeldeuımen ötetın televiziialyq şouǧa daiyndalady. Finalda 12 konserttık nömır qoiylady. Qatysuşylardyŋ bır bölıgı jekelei än oryndasa, bır bölıgı duet pen trioda öner körsetedı.
Ashat RAIQŪL
