Biyl – Qazaqstan mäslihattarynyŋ qūrylǧanyna 30 jyl. Astana qalasy mäslihatynyŋ töraǧasy Erlan Kanalimovtyŋ aituynşa, elorda mäslihaty qala äkımdıgımen bırge mereitoilyq ıs-şaralar josparyn bekıttı. Tiıstı ıs-şaralar jyl soŋyna deiın jalǧasady. Sonyŋ ışınde mäslihat deputattary alleiasy aşylyp, ǧylymi-täjıribelık konferensiia ötedı. Oǧan elordanyŋ bauyrlas qalalarynyŋ ökılderı qatysady. Qazırgı taŋda mūndai şaharlar sany 52-ge jettı. Bügınde Astana qalasy mäslihatynyŋ VIII şaqyrylym deputattary jūmys ıstep jatyr. Jalpy barlyq VIII şaqyrylymdy qosqanda elorda mäslihatyna 156 adam deputat boldy. Sonyŋ ışınde qalalyq mäslihattyŋ 140 adammen bailanysy üzılmedı. Qazır mereitoilyq kıtap daiyndalyp jatyr. Onda Astana mäslihatynyŋ tarihy hattalyp, bükıl deputat turaly mälımet berıledı.
Astanada mäslihattar mereitoiyna arnalǧan ıs-şaralar qalalyq mäslihattyŋ II jäne V şaqyrylymdarynyŋ deputaty bolǧan medisina maitalmany, el men elordanyŋ örleuıne ölşeusız üles qosqan, älı de qalanyŋ damuyna atsalysyp otyrǧan atpal azamat Qarşyǧa Qūlmūhanovtyŋ mereilı 75 jasqa toluyna orai ūiymdastyrylǧan jiynnan bastaldy. Onda qala basşylyǧy, mereitoi iesınıŋ bır kezderdegı ärıptesterı men şäkırtterı qūrmet körsetıp, syi-syiapat jasady, igı tılegın arnady. Jiyndy Astana qalasy mäslihatynyŋ töraǧasy Erlan Kanalimov aşyp, Qarşyǧa Käkeşūlynyŋ ömır jolyna, eren eŋbegıne şolu jasady. Qalalyq mäslihat atynan mereitoi iesınıŋ iyǧyna qazaqy dästürmen şapan japty.
Qarşyǧa Qūlmūhanov Selinograd qalasynyŋ medisina institutyn bıtırgennen keiın eŋbek jolyn ortoped-travmatolog bolyp bastady. Astana Alataudan Arqaǧa köşken jyldary Qazaqstan Ükımetı janyndaǧy qalalyq medisinalyq saqtandyru qoryn basqardy. Qalalyq Densaulyq saqtau basqarmasy basşysynyŋ bırınşı orynbasary, 7 jyl boiy Astana qalalyq sailau komissiiasynyŋ töraǧasy boldy. 10 jyl №2 köpbeiındı qalalyq balalar auruhanasynyŋ bas därıgerı bolyp qyzmet ıstedı. Ekı ret qalalyq mäslihattyŋ deputaty bolsa, qazır qalalyq Qoǧamdyq keŋestıŋ müşesı.
– Qarşyǧa Käkeşūly özınıŋ bılımı men täjıribesın adamdardyŋ igılıgıne jūmsap, elordanyŋ örleuıne ülken üles qosty. Onyŋ bılımı, ömırlık jäne käsıbi täjıribesı Astananyŋ damuyna jol saldy. Qalalyq mäslihattyŋ VIII şaqyrylym deputattarynyŋ atynan tereŋ bılım, ıskerlık qabılet jäne azamattyq qasiettıŋ arqasynda jinaǧan täjıribeŋızdı eŋselı elordamyzdyŋ äl-auqatyn jaqsartuǧa, jergılıktı ökıldı organdardyŋ rölın arttyruǧa eleulı üles qosqanyŋyz üşın şynaiy rizaşylyǧymyzdy bıldıremız. Halyq senımı – eŋ qūndy närse. Şyn mänınde, el senımın ölşeu mümkın emes. Halqynyŋ qoldauyna ie bolyp, el tızgının ūstau – elımızdıŋ är sanaly azamaty üşın eŋ biık märtebe ärı orasan zor jauapkerşılık. Sız ūzaq jyldan berı medisina salasynyŋ damuyna ülesıŋızdı qosyp, boiyŋyzdaǧy eŋbekke adal, maqsatqa berık qasietıŋızdıŋ arqasynda adamgerşılık pen ızgılık mūratyna qaltqysyz qyzmet etudesız, – dedı Erlan Kanalimov.
Saiasi qairatker, Astana qalasynyŋ qūrmettı azamaty, elorda mäslihatynyŋ V şaqyrylymynyŋ hatşysy, qalalyq Ardagerler keŋesınıŋ töraǧasy Sansyzbai Esılov mereitoi iesın 40 jyldan astam uaqyttan berı bıletının atap öttı.
– Qarşyǧa Käkeşūlynyŋ eŋbek joly därıgerlıkten bastaldy. Būl kısı – adal azamat. Ekeumız Astana mäslihatynyŋ V şaqyrylymynyŋ deputaty boldyq. Sonda Qarekeŋ medisina salasyna qatysty, bas qalanyŋ qoǧamdyq ömırıne bailanysty bıletının bügıp qalmai, ünemı öz pıkırın, ūstanymyn bıldırıp otyratyn. Sodan keiın qalalyq Qoǧamdyq keŋestıŋ II şaqyrylymynda kezdestık. Onda da Qarşyǧa Käkeşūly belsendılık tanytyp, qala tırşılıgıne qatysty ūtymdy ūsynystaryn aitatyn, – degen Sansyzbai Esılov qalalyq Ardagerler keŋesınıŋ atynan syi-syiapat jasady.
Astana qalasynyŋ äkımı Jeŋıs Qasymbektıŋ qūttyqtauyn onyŋ orynbasary Eset Baiken oqyp berdı.
«Qūrmettı Qarşyǧa Käkeşūly! Sızdı 75 jas mereitoiyŋyzben şyn jürekten qūttyqtaimyn! Jyldar boiy özıŋızge artylǧan mındettı jauapkerşılıkpen atqaryp, elordamyzdyŋ damuyna ülken üles qostyŋyz. Qai ıste de qarymdy qabıletıŋız ben qajyrly qairatkerlıgıŋızben qoǧam müddesıne qaltqysyz qyzmet etıp, kısılık bıtımıŋızden ainyǧan emessız. Ärdaiym mereiıŋız üstem, ǧūmyryŋyz ūzaq, şuaqty künderıŋız köp bolyp, ūrpaǧyŋyzdyŋ qyzyq-quanyşyna kenele berıŋız! Denıŋızge saulyq, otbasyŋyzǧa amandyq pen baq-bereke tıleimın!» delıngen qala äkımınıŋ qūttyqtauynda.
Qazaqstan Respublikasy densaulyq saqtau ısınıŋ üzdıgı, medisina ǧylymdarynyŋ doktory, professor, VI şaqyrylymdaǧy Astana qalasy mäslihaty hatşysynyŋ mındetın atqaruşy Mäjit Şaidarov Selinograd medisina institutynyŋ studentı kezınde Qarşyǧa Käkeşūlynyŋ aldynan praktikadan ötkenın, mereitoi iesı sol uaqytta travmatologiia bölımşesınıŋ meŋgeruşısı bolǧanyn atap öttı.
– 2000 jyly Astana qalasynyŋ Densaulyq saqtau basqarmasy, keiınnen departamentı qūryldy. Osy vedomstvony sızben bırge basqardyq. Bälkım, däl sol uaqytta elordanyŋ densaulyq saqtau salasy qalyptasa bastady. Oblystyq qūrylymnan respublikalyq, astanalyq qūrylymǧa auysu öte auyr boldy. Degenmen būl ıstı sättı atqaryp, salany astanalyq deŋgeige köterdık dep oilaimyn. Sol kezde köptegen auruhana men emhana jöndeldı. Jaŋa qondyrǧylar satyp alyndy. Qarşyǧa Käkeşūly pediatriianyŋ damuyna ülken üles qosty. Sebebı №2 köpbeiındı qalalyq balalar auruhanasyn jobalau men saludaǧy onyŋ eŋbegı eresen. Ol etık kiıp, qūrylys alaŋynda jürdı, qai jerde ne boluy keregın tıkelei qadaǧalady, – dedı Mäjit Şaidarov.
Elorda mäslihatynyŋ I-V şaqyrylymdarynyŋ deputaty, Astana qalasynyŋ qūrmettı azamaty Nikolai Meşeriakov mereitoi iesımen mäslihatta qatar jūmys ıstegen kezderden estelıkterdı jaŋǧyrtyp, qarapaiym bolmysyna toqtaldy. Qarşyǧa Käkeşūly bärıne, öskeleŋ ūrpaqqa üzdık ülgı körsetıp kele jatqanyn atap öttı. Astana qalalyq sailau komissiiasynyŋ töraǧasy bolǧanda debattardy bılıktılıkpen, biık deŋgeide ūiymdastyrǧanyn aitty.
Astana qalasy mäslihatynyŋ IV-VI şaqyrylymdarynyŋ deputaty, Qazaqstan Respublikasy mäslihattarynyŋ qūrmettı deputaty Zeinolla Şıbkenov jas kezınde osy qalaǧa qyzmetke kelgende Qarşyǧa Käkeşūly köp qoldau körsetkenın, sol üşın mereitoi iesıne raqmetın aityp, ızgı tılegın jetkızdı. Astana qalasy Belsendı ūzaq ömır süru ortalyǧynyŋ direktory Mūhtar Erketaev Qarşyǧa Qūlmūhanov halyqqa, qoǧamǧa öte paidaly qyzmet atqarǧanyn atap öttı.
Astana qalasy mäslihaty V şaqyrylymynyŋ deputaty, elordanyŋ Saryarqa, Almaty audandarynyŋ būrynǧy äkımı Sapar Ahmetov mereitoi iesın ūstaz tūtatynyn, ol qalanyŋ äleumettık jäne medisina salasynyŋ damuyna ülken üles qosqanyn aitty.
– Qarşyǧa Käkeşūly, Soltüstık Qazaqstan oblysynda, Esıldıŋ jaǧasynda kışkentai auylda tuyp-ösıp, talpynyp bılım alyp, Selinograd, Aqmola öŋırınıŋ, bügıngı el astanasynyŋ örleuıne üles qostyŋyz. Sızden köp närse üirendım. Sonyŋ eŋ bastysy – memleketşıldık. Özıŋızdı ǧana emes, eldıŋ, halyqtyŋ, qalanyŋ jaǧdaiyn oilap, qiyndyqqa moiymai, yntamen jūmys ısteu – boiyŋyzda bar qasiet. Bügınde elge qūrmettısız, jürgen jerıŋızde tördesız. Sol törden tüspeŋız! – dedı Sapar Ahmetov.
Astana qalasy mäslihaty VI şaqyrylymynyŋ deputaty, Astana qalasy äkımdıgı köpsalaly medisina ortalyǧynyŋ direktory, Qazaqstannyŋ Eŋbek Erı Mūhtar Töleutaev mereitoi iesın 15 jyldan berı bıletının, odan köp närse üirengenın atap ötıp, ol zeinetke şyqqannan keiın de bos otyrmai, qoǧamǧa paida tigızıp kele jatqanyn aitty.
– Qarşyǧa Käkeşūly qazır Astana qalasy Qoǧamdyq densaulyq saqtau palatasynyŋ töraǧasy retınde talai medisina qyzmetkerınıŋ äleumettık jaǧdaiynyŋ jaqsaruyna üles qosyp, älı künge deiın belsendı qyzmet atqaryp kele jatyr. Jas buyn därıgerlerge özıŋızdıŋ ülgıŋızdı, özıŋızdıŋ täjıribeŋızdı körsete beruıŋızge tılektespın! – dedı Mūhtar Töleutaev.
Astana qalasy mäslihatynyŋ VI-VII jäne qazırgı VIII şaqyrylymynyŋ deputaty Altynşaş Tabuldina mereitoi iesın qalalyq Qoǧamdyq densaulyq saqtau basqarmasynyŋ atynan qūttyqtady.
– Elordanyŋ bükıl därıgerlerı sızdı jaqsy bıledı. Sız älı künge deiın sözıŋızge barlyǧy qūlaq asatyn medisina salasynyŋ belsendı mamanysyz. Qazır bas qalanyŋ Qoǧamdyq densaulyq saqtau palatasyn basqaryp, qala emhanalaryn baqylau keŋesınıŋ töraǧasysyz, Medisinalyq saqtandyru qory komissiiasynyŋ müşesısız. Mende keibır mäsele boiynşa kümän tuyndaǧanda ünemı sızden aqyl sūraimyn. Sonda sız dūrys keŋes berıp, sonyŋ arqasynda alǧa örleimız. Bırınşı ret deputat bolyp sailanǧanymda sızdıŋ: «Altynşaş, özgerıp ketpe. Osyndai qarapaiymdylyqpen, adamdarǧa jaqyndyǧyŋmen adal eŋbek etseŋ dūrys bolasyŋ» degen sözıŋız älı künge deiın esımde, – dedı Altynşaş Tabuldina.
Jiynda Qarşyǧa Qūlmūhanov oblystyq klinikalyq auruhanada jūmys ıstegende eŋ üzdık travmatolog bolǧany aityldy. Mereitoi iesınıŋ şäkırtı, Nūrlan Batpenov atyndaǧy Ūlttyq ǧylymi travmatologiia jäne ortopediia ortalyǧy direktorynyŋ klinikalyq jūmys jönındegı orynbasary Meiram Baubekov Qarşyǧa Käkeşūly tyŋ ölkesınıŋ jäne Astananyŋ travmatologiia jäne ortopediia salasynyŋ negızın qalauşy ekenın atap ötıp, qazır de atalmyş ortalyqtyŋ jetekşı travmatology bolyp otyrǧanyn aitty.
Mereitoi iesınıŋ özı qala basşylyǧyna, qalalyq mäslihatqa, ärıptesterı men şäkırtterıne alǧysyn aita kele, ötken künderdı eske aldy. Ömır jolyna toqtalyp, osy künge ūstazdarynyŋ arqasynda jetkenın atap öttı.
– Osy qalaǧa kelgenımdı ekınşı baqytym dep sanaimyn. Sol kezde Selinograd medisina instituty endı aşylyp, oǧan sol uaqyttaǧy keŋ baitaq Odaqtyŋ är tükpırınen tamaşa ūstazdar jinaldy. Olar ūstazdarymyz ǧana emes, ata-anamyzdai bolǧan edı. Oqudy bıtırgennen keiın osynda qaldym. Ärine, būl qalanyŋ astanaǧa ainalatynyn bılgen joqpyn. Astana kezınen bes äkımmen, olardyŋ orynbasarlarymen jūmys ıstedım. Būl men üşın ülken mektep boldy, – dep tüiındedı sözın Qarşyǧa Qūlmūhanov.
