BİYL 20 TŪRǦYN ÜI SALYNYP BITEDI

Esterıŋızde bolsa, gazetımızdıŋ №47 sanynda «Qoljetımdı baspana – 2020» baǧdarlamasy boiynşa «Qazaqstannyŋ tūrǧyn üi qūrylys jinaq bankınıŋ» joldamasy boiynşa jas otbasylarǧa arnalǧan baǧdarlamany jüzege asyru täsımı jariialanǧan edı. Ükımet 2012 jyly bekıtken atalmyş baǧdarlamanyŋ «jeke menşıkke ötetın arendalyq baspana» tarmaǧynyŋ negızgı operatory – «Qazaqstan ipotekalyq kompaniiasy İŪ» AQ. Osy oraida, kompaniianyŋ janynan arnaiy qūrylǧan «Qazaqstannyŋ tūrǧyn üi – qūrylys korporasiia­sy» AQ basqarma töraǧasynyŋ orynbasary Batyrjan Qaraközovten azamattarǧa baǧasyna saily baspana ūsynu jolynda qandai ıster atqa­rylǧanyn sūrap bılgen edık.

– Batyrjan Kömekbaiūly, Elbasy özınıŋ Joldauynda jyl saiyn elımızde kem degende 6 mln şarşy metr jaŋa üi paidalanuǧa berıluı kerektıgın tapsyrǧany mälım. Osy mejenıŋ oryndaluyna «Qazaqstan ipotekalyq kompaniiasy» qandai üles qosyp jatyr?

– Özımızge artylǧan mındetke jauap­kerşılık tanytyp, tūrǧyn üi qūrylysyn sapaly ärı der kezınde oryndau üşın 2012 jyldyŋ tamyzynda «Qazaqstan­nyŋ tūrǧyn üi – qūrylys korporasiia­sy» qūryldy. Korporasiiaǧa qūry­lys­tyŋ barlyq tehnologiialyq prosesın baqylau, iaǧni, jobalaudan bastap tūr­ǧyn üidı qabyldauǧa deiıngı barlyq qyzmet mındetı jükteldı. Osy maqsatta res­pub­likalyq biudjetten byltyr 15 mlrd teŋge bölındı. Atqarǧan jūmystyŋ nätijesı retınde korporasiia 2014 jyldyŋ bırınşı jartyjyldyǧynda elımızdıŋ 4 aimaǧynda 20 tūrǧyn üi nysanyn tapsyruǧa niettı ekenın
basa aitqymyz keledı.

– Atap aitqanda, qai aimaqtar?

– Sanamalap aitsaq, Almaty qalasynda jalpy aumaǧy 6022 şarşy metrdı qūraityn 108 päterlık 2 tūrǧyn üi, Şymkent qalasynda 56 195 şarşy metrlık nemese 1080 päterlık, toǧyz qabatty 15 tūrǧyn üi jäne Qaraǧandy qalasynda 20 176 m2 qūraityn, 325 päterlık bes qabatty 3 tūrǧyn üi jäne Pavlodar qalasynda 9 450 m2 qūraityn 180 päterlık toǧyz qabatty 1 tūrǧyn üi salynyp bıtedı.

– Endı arendalyq baspananyŋ berılu tärtıbın aita ketseŋız.

– Arendalyq baspana arendatorǧa
15 jyl merzımge berıledı. 1 şarşy metrdıŋ qūny şamamen 1000 – 1 300 teŋge. On jyldan keiın arendator baspanany uaqytynan būryn tölemın jasap satyp aluyna bolady. Oǧan qosa, jalǧa alu merzımı kezınde arendatordyŋ ötınışı negızınde päterın keŋeituge jaǧdai jasalǧan.
Eskere keterlıgı, Qazaqstannyŋ tūrǧyn üi-qūrylys korporasiiasy tūrǧyzǧan arendalyq baspana jergılıktı äkımdıktıŋ tızımı boiynşa berıledı. Iаǧni, baspanany aluǧa ümıtkerlerdı tırkeu kezınde aldymen şyn mūqtaj toptardyŋ müddesı eskerıledı.
– Jalpy, korporasiianyŋ «Qol­jetımdı baspana – 2020» baǧdarlamasy aiasynda salynatyn üilerı elımızdıŋ bükıl aumaǧyn qamti ma?
– Ärine, biyl taǧy elımızdıŋ bırneşe aimaǧynda tūrǧyn üi qūrylysyn bas­tamaqşymyz. Anyǧyraq aitsaq, Oral, Aqtöbe, Petropavl, Qostanai, Öskemen, Taraz, Qyzylorda, Kökşetau jäne Astanada köp qabatty üiler salynady. Eger sanmen söiletsek, «Qazaqstan tūrǧyn üi – qūrylys korporasiiasy» baǧdarlamanyŋ «jeke menşıkke ötetın arendalyq baspana» tarmaǧy boiynşa aǧymdaǧy jyly 136 000 şarşy metr, 2015 jyly 250 000 ş.m tūrǧyn üidı paidalanuǧa bermek. Al, 2016 jyldan bastap baǧdarlama aiasynda jyl saiyn 530 000 m2 baspana salu közdelıp otyr. Būl degenımız – 9-9,5 myŋ päter.

Ädılbek JAPAQ