Sarybūlaq özeninıŋ lastanuy – alaŋdatarlyq jaǧdai. Elordanyŋ ekologiialyq ahualyna zor nūqsan keltırude. Sarybūlaq tasqyn sulardyŋ ǧana emes, Esil özenine baryp qūiylatyn sarqyndy sulardyŋ da qaşyrtqysy qyzmetin atqaratyn tehnogendik su arnasyna ainaluy ekolog mamandardyŋ da qūtyn qaşyruda. Ekologiialyq apatqa ūlasyp ketuı mümkın. Būl özektı mäselenıŋ tüiının şeşudı qala äkımı Altai Kölgınov öz qūzyryna, jıtı qadaǧalauyna aldy.
Bügıngı taŋda Nūr-Sūltan qalasy tez qarqynmen damyp, örkendep kele jatqan ırı megapoliske ainaldy. Kün sanap halyq sany artyp, jaŋa nysandar boi köterıp, avtokölıkter köbeiıp, infraqūrylym qanatyn keŋge jaiuda. Alaida ekologiialyq jaǧdaiǧa da köp köŋıl audaruǧa tura keledı.
Qala basşysy A.Kölgınov elordamyzdaǧy qorşaǧan ortany qorǧau jönındegı keşendı ıs-şaralardy jüzege asyrudy qataŋ baqylauǧa aldy.
Jalpy, elorda aumaǧynyŋ negızgı bölıgı Esıl, Aqbūlaq jäne Sarybūlaq özenderınıŋ tarmaqtarymen tūiyqtalady. Bügınge deiın Esıl özenınıŋ keme jüretın aralyǧyn damytu, qauıpsızdıgın qamtamasyz etu maqsatynda 51 mln teŋge qarjy jūmsalyp, 9 şaqyrym sudyŋ tübı tazartylǧan edı. Alaida soǧan qaramastan qalalyq qorşaǧan ortany qorǧau jäne tabiǧatty paidalanu basqarmasynyŋ mälımetınşe, eŋ las özen Sarybūlaq özenı bolyp otyr.
Sarybūlaqtyŋ su jinalatyn alabynyŋ ūzyndyǧy 1949 şaqyrym şarşy metrdı qūraidy. Ol – 126 şaqyrymdy qūraityn Nūra alaby özenderınıŋ bırı. Baqty tauynyŋ batys betkeiınen bastalyp, Baitailaq tauyna jetpei Taldyǧa qūiyp, elordamyzdyŋ soltüstıgınen oŋtüstık baǧytta qalanyŋ batys bölıgın boilai jeke menşık üiler men köp qabatty üiler salynǧan aimaq arqyly ötedı. Özennıŋ saǧa tūsyn, qala arqyly ötetın arnasyn şylau basyp, tıptı qamys qaulai ösıp, jalpy aumaǧy 2,5 şaqyrymǧa deiın bülınıp, ekologiiaǧa zor qauıp töndırıp tūrǧan jaiy bar.
Negızı, Sarybūlaq özenınıŋ maŋaiyn abattandyruǧa bailanysty jobalyq-smetalyq qūjat 2013 jyly qabyldanǧan bolatyn. Alaida qūrylys jūmystary kenjelep qalǧandyqtan, Nūr-Sūltan qalasynyŋ äkımı A.Kölgınov şūǧyl türde özen jaǧasyn tazalau jūmystaryn qolǧa alu kerektıgın atap ötıp, qarjy mäselesın şeşudı ūiǧardy.
Beibıt OSPAN
