Memleket basşysy N.Ä. Nazarbaevtyŋ tapsyrmasy negızınde Qazaqstan Respublikasy Dın ısterı agenttıgınıŋ «E-Islam» aqparattyq, mädeni-aǧartuşylyq, ǧylymi-tanymdyq internet-portaly qūryldy. Mıne, sol aqparat qūralynyŋ maqsaty men mındetı, baǧyt-baǧdary jönınde onyŋ bas redaktory Jasūlan Abdramanov äŋgımeleidı.
– Asyl dınımızdı nasihattauşy portal jönınde ne aitasyz?
– Portal salt-dästürımızge sıŋıp, ǧasyrdan-ǧasyrǧa jalǧasyp kele jatqan Hanafi mäzhabyndaǧy islam dınınıŋ asyl qūndylyqtaryn köpşılıkke nasihattaumen ärı onyŋ ılımderın tereŋ taldai otyryp, tüsındırumen jüielı türde ainalysady. Mūnda qazır dästürlı islam dınınıŋ negızgı qaǧidalaryn qazaq halqynyŋ ejelgı salt-dästürlerımen ūştastyra otyryp, jamaǧatty haq dınımızdıŋ ruhani qūndylyqtaryna baulityn, jastardy terıs piǧyldaǧy jat aǧymdardan ärı kümändı ǧalamtor közderınen alastatuǧa yqpaly tietın qazaq, orys tılderınde ekı myŋnan astam material qory ornalastyryldy.
Portaldyŋ negızgı betınde jetı aidar, on ekı taqyryp berıldı. Aidarlardyŋ ärqaisysy bırneşe taraulardy qamtidy.
– İnternet basylymnyŋ özındık erekşelıgı qandai?
– Gazetke qaraǧanda mūnyŋ özındık erekşelıgı aidarlardyŋ köptıgınde bolsa kerek. Materialdar şaǧyn-şaǧyn etıp toptastyrylyp jariialanady. Mäselen, «İslam», «Qazaqstandaǧy islam», «İslam jäne zaiyrly memleket», «İslam jäne qoǧam», «İslam – ızgılık dını», «Dınaralyq ünqatu», «Multimedia», taǧy basqa da aidarlarda oqyrmandar islam dını qūndylyqtarymen tolyq tanysuǧa, namaz oqu, oraza ūstau, zeket beru, qajylyqqa baru räsımderı men erekşelıkterın tanyp-bıluge, üirenuge bolady.
Al, «Multimedia» aidary «Foto», «Audio», «Beine», «İnfografika», «Kıtaphana» atty bölımderden tūrady. Sol arqyly qalaǧan adam islamǧa qatysty barlyq fotosuretter men beinebaiandardy tamaşalai alady. Sonymen qatar, internet-portaldyŋ bannerlyq betterındegı «Jaŋalyqtar», «Sūhbat», «Cız bılesız be?» aidarlary kündelıktı jaŋartylyp tūrady. Mūnda dästürlı islam dınınıŋ özge de asyl qūndylyqtary men mädenietıne qatysty anyqtamalyq, aǧartuşylyq sipattaǧy aqparattar, sūhbattar daiyndalatyn bolady.
– Portal betterınde oqyrman pıkır talastyra ala ma?
– Azamattar men ūiymdardan dıni salaǧa qatysty barlyq mäseleler boiynşa aqparat qabyldauǧa arnalǧan «Qauyrt jelı -114» jūmys ısteidı. Osynda destruktivtı dıni aǧymdardan zardap şekkenderge kömek körsetu ortalyqtarynyŋ respublika boiynşa mekenjailary men anyqtama telefondary da körsetılgen.
Portal oqyrmandarynyŋ belgılı bır taqyryp aiasynda sarapşylarmen bırlese otyryp, pıkırtalas alaŋyn ūiymdastyruǧa mümkındıgı bar. Būǧan qosa, «Sarapşylar baǧanynda» elımızdegı aldyŋǧy qatarly dıntanuşy ǧalymdardyŋ jeke blogtary köpşılıkpen etene bailanysta jūmys ısteidı. Osy joba arqyly būqara halyq kökeiınde jürgen saualdaryn atalmyş ǧalymdarǧa tıkelei joldap, tūşymdy jauap ala alady.
Qoryta aitqanda, «E-Islam» internet-portaly aldaǧy uaqytta jūmysyn odan ärı jetıldırıp, dästürlı islam ılımı men onyŋ tarihyn saralaityn otandyq bırden-bır mälımetter ortalyǧyna ainalady dep senemız.
