Qystyŋ alǧaşqy künı elordalyqtarǧa jaŋa qyzmet türı ūsynylyp, «Qazaq elı» monumentı alaŋynda «Astana Eko taksi» qalalyq taksoparkı investisiialyq jobasynyŋ tūsaukeserı öttı. Astana qalasy äkımdıgınıŋ qoldauymen «AllurGroup» avtokölık kompaniialar toby ıske asyrǧan jobanyŋ qyr-syrymen Qazaqstan Prezidentı Nūrsūltan Nazarbaev tanysty.
Şahar äkımdıgı EKSPO-2017 halyqaralyq körmesıne qalanyŋ infraqūrylymyn üş tūjyrymdamalyq baǧyt boiynşa daiyndap jatyr. Atap aitsaq, Astana mobility – qalanyŋ kölıktık infraqūrylymy men logistika salasyn jaŋartuǧa jäne jaqsartuǧa baǧyttalsa, Astana Green City – energetikalyq tiımdılık pen jaŋartylatyn energiia közderı salalaryndaǧy şeşımderdı jüzege asyrudy közdeidı. Al, Welcome to Astana, qazaqşalaǧanda – Astanaǧa qoş keldıŋız baǧyty qalanyŋ turistık tartymdylyǧyn damytumen qatar, qonaq üi, meiramhana biznesterı men özge de qyzmet körsetu salalaryn halyqaralyq standarttarǧa säikestendırudı qolǧa alady.
Būl baǧyttardyŋ alǧaşqy qadamy – memlekettık-jeke menşık ärıptestık qaǧidaty negızınde jüzege asyrylǧan «Astana Eko taksi» jobasy bolyp otyr. Onyŋ maqsaty – elordada ekologiialyq otynmen jüretın kölıkterdıŋ ırı taksoparkın qūru men jolauşylarǧa zaŋdy ärı zamanǧa sai qyzmet körsetu türlerın damytu.
Jobany ıske asyrudyŋ bırınşı kezeŋınde sūiytylǧan gazben (propan-butan qospasymen) jüretın 100 avtokölık Astana joldaryna jıberıledı, al, 2017 jylǧa qarai olardyŋ sany 500 avtokölıkke deiın jetedı dep josparlanuda. Bastapqy kezeŋde investisiialar 450 million teŋgenı qūrasa, ony jüzege asyru barysynda tasymaldau salasynda qosymşa jūmys oryndary qūryluy tiıs.
«Astana Eko taksi» – tek qaladaǧy ekologiialyq ahualdy jaqsartyp qana qoimai, janarmaidyŋ tömen baǧasy esebınen takside jüru qūnyn arzandatuǧa mümkındık tuǧyzady. Atap aitsaq, qazırgı taŋda qalada 18 gaz qūiu stansiiasy jūmys ısteidı.
Astana halqyna qyzmet körsetetın ekologiialyq taza kölıkterge kelsek: «AllurGroup» kompaniiasy ūsynǧan oŋtüstık koreialyq SsangYong kölıkterı Qostanai qalasyna qūrastyrylyp, jinalǧan. Halyqaralyq sapa standarttaryna sai keletın olar taksometrımen, GPS navigasiiasymen, bank kartochkalarymen jol jürısın töleu terminalymen, Wi-Fi jäne Astana qalasy boiynşa jol körsetkışı jäne aqparatty multimediialyq jüiesımen jabdyqtalǧan.
Jobamen tanysu barysynda Memleket basşysy Nūrsūltan Nazarbaev kölıkterdıŋ bırıne mınıp, jaŋa taksidıŋ alǧaşqy jolauşysy boldy.
Amanǧali ŞMİTŪLY
