EKSPO körmesı kezınde «Nūr Älem» pavilonyna kırıp ülgermegen astanalyqtar men qala qonaqtaryna taǧy bır mümkındık! 11 qaraşadan bastap EKSPO qalaşyǧynyŋ turistık aimaǧy barşa qonaqtarǧa esıgın aiqara aşpaq.
EKS-KÖRME AUMAǦYNA KIRU TEGIN
Bolaşaqtyŋ muzeiı «Nūr Älem» plazasyna demalys künderı, iaǧni, 11-12 qaraşa künı kıru tegın bolmaq. Būl şeşım turaly baspasöz mäjılısınde «Astana EKSPO-2017» ūlttyq kompaniiasynyŋ kommersiialau departamentınıŋ direktory Däulet Erkımbaev mälımdedı. Al biletter 14 qaraşadan bastap jappai satylymǧa tüsedı. Biletterdı resmi saittan jäne qalaşyqqa kıreberıste ornalasqan kassalardan satyp aluǧa bolady.
«Nūr Älemmen» qatar turister ekı qazaqstandyq taqyryptyq pavilondy, üzdık täjıribeler aimaǧyn, şyǧarmaşylyq energiia ortalyǧyna men Energiia holyna kıruge mümkındık alady. Kompaniianyŋ direksiiasy qonaqtarǧa kışıgırım syi äzırlep otyr. Pavilondardaǧy ekspozisiialar būryn-soŋdy bolmaǧan virtualdy älemnıŋ modelderımen tolyqtyrylady. «Pavilondardyŋ mazmūndyq jaǧy ärkımdı taŋǧaldyratyny anyq» dedı Kontent jäne ıs-şaralardy ūiymdastyru departamentınıŋ direktory Marat Omarov.
Baǧa saiasatyna toqtalyp ötsek, aumaqqa kıru üşın 1500 teŋge jūmsaisyz. Aita ketu kerek, el azamattary üşın arnaiy jeŋıldıkter de qarastyrylǧan. Barlyq Ūly Otan soǧysynyŋ ardagerlerı, mümkındıgı şekteulı azamattar men 6 jasqa deiıngı büldırşınder keşenge tegın kıre alady. Al studentterge bilet qūny 800 teŋge bolsa, mektep oquşylary men köpbalaly analarǧa 50 paiyzdyq jeŋıldık jasalyp, bilet qūny 500 teŋgege teŋ bolmaq.
Qalaşyq aptasyna alty kün jūmys ısteidı, al düisenbı demalys künı bolyp belgılendı. Seisenbı men jūma aralyǧynda 10:00-20:00-ge deiın jūmys ıstese, senbı-jeksenbı künderı 10:00-21:00-ge deiın keluşılerge aşyq. Aita keteiık, körme aumaǧynda 23 tamaqtanu nysany jūmys ısteitın bolady.
EKSPO qalaşyǧyna barlyq adam tegın kırıp şyǧa alady. Oǧan batys jaqtan – MEGA Silk Way sauda ortalyǧynan, al soltüstıkten – tūraq aimaǧynan kıruge bolady. EKSPO aumaǧyna öz kölıgımen keletınder üşın de jaǧymdy jaŋalyq bar. Tūraqta aialdau alǧaşqy üş saǧat – tegın, keiın ärbır saǧat üşın 100 teŋge töleisız.
QYS QYZYǦY – EKSPO ALAŊYNDA
Biylǧy jaŋa jyl astanalyqtardyŋ jadynda mäŋgılıkke saqtalady degen boljam bar. Sebebı ädette «Han şatyrdyŋ» ainalasynda ötetın şahardyŋ bas şyrşasynyŋ şamyn jaǧu räsımı būl joly EKSPO aumaǧyna auystyryldy. Oǧan qosa «Nūr Älemnıŋ» ırgesınde mūz aidyny tūrǧyzyldy. Jalpy aumaǧy 3500 şarşy metrdı qūraityn konki tebu stadiony özgelerden özgeşe bolmaq. Osylai dep sendırgen kommersiialau direksiiasynyŋ bastyǧy Däulet Erkımbaev «Bır aitarym, mūndai mūz aidyn älı elımızde bolǧan emes» dedı. Qalalyq äkımdıkpen kelısılgendei, «Han şatyr» aumaǧynda ornalasqan mūz qalaşyǧy jaŋajyldyq şyrşamen bırge EKSPO qalaşyǧyna köşırıledı.
«Mūz aidyny 11 qaraşada aşylady. Al mūz qalaşyǧyn salu üşın qys tüskenın kütu kerek. Būl degenımız qalaşyq şamamen jeltoqsannyŋ basynan bastap jūmys ısteidı» dedı Däulet Erkımbaev. EKSPO aumaǧyna kıru tegın bolǧandyqtan, jaŋajyldyq şyrşa men mūz qalaşyǧyna kez kelgen adam emın-erkın kıre alady. Al mūz aidynda konki tebu aqyly, alaida baǧasy aqylǧa qonymdy. «Mūz aidynyna kıru qūny 1000 teŋge bolady, bır seans şamamen 4 saǧatqa sozylady. Konkilerdı jalǧa alu qūny da osynşama kölemınde» dedı ūiymdastyruşylar. Jeŋıldık retınde 6 jasqa deiıngı balalar tegın kırse, mektep oquşylary men zeinetkerler bilettıŋ 50 paiyzyn ǧana töleidı.
KÖRME NYSANDARYNYŊ KEIINGI QYZMETI
«EKSPO-2017» turistık aimaǧynyŋ aşyluyna orai baspasöz mäjılısınde körme mūrasy retınde qalǧan nysandardyŋ keiıngı qyzmetı turaly aityldy.
EKSPO körmesınıŋ negızgı nysany «Nūr Älem» sferasy mūrajaiǧa ainalatyny belgılı. Al onyŋ janyndaǧy ekı taqyryptyq pavilon da türlı energiia közderın tanystyratyn bolady. Barlyq halyqaralyq pavilondardyŋ ǧimaraty «Astana» halyqaralyq qarjy ortalyǧyna berıledı. Ortalyq keler 2018 jyly aşylyp, bükıl Ortalyq Aziianyŋ qarjylyq habyna ainalmaq. «Job World» – adam resurstaryn damytu boiynşa bılım beru ortalyǧy AQŞ pen Oŋtüstık Koreianyŋ üzdık täjıribelerın qoldanbaq. Joba jasöspırımderge joǧary tehnologiialy salalardaǧy mamandyqtardy taŋdauǧa kömektesedı. Oquşylardy käsıbi daǧdyǧa maşyqtap, alǧan bılımdı şynaiy ömırde qoldanuǧa üiretedı. Art-ortalyǧy zamanaui öner salasyndaǧy tyŋ ideialardy zertteuge arnalady. Onyŋ negızgı ekı mındetı – önerge baulu jäne bılım beru. Energiia holy resmi jäne arnaiy ıs-şaralardy ötkızu orny retınde paidalanylady. Ǧimarattyŋ zaly 868 körermenge arnalǧan. Kongress ortalyǧy – auqymdy mädeni şaralar men ıskerlık kezdesulerdı ötkızuge arnalǧan elımızdıŋ eŋ ırı ǧimaraty. Būrynǧy üzdık täjıribeler ortalyǧynda Jasyl tehnologiialardy jäne investisiialyq jobalardy damytu boiynşa halyqaralyq ortalyq aşylady. Ortalyq jasyl tehnologiialar men innovasiialardy jasau men engızudıŋ halyqaralyq ortalyǧyna ainalady degen ümıt bar. Al IT-tehnoparkı aqparattyq tehnologiialardyŋ mamandary men investorlardy tartuǧa baǧyttalǧan alaŋdy qūruǧa mümkındık beredı. Onda startaptarǧa jäne älemge äigılı IT-salasynyŋ üzdıkterıne innovasiialyq ekojüie qarastyrylady.
Sondai-aq «EKSPO-2017» körmesınen keiın bosatylǧan nysandardy jalǧa aludyŋ qūny jariialandy. Kompaniiadaǧylar qazırgı taŋda körme kezınde tört halyqaralyq pavilon ornalasqan aimaqtardy qaita jöndeu jürıp jatqanyn jetkızdı. «Olardy Halyqaralyq qarjy ortalyǧy men özge käsıporyndaryna beru közdelgenı o bastan aitylǧan edı. EKSPO-nyŋ media ortalyǧy, ūiymdastyruşylar keŋsesı siiaqty bırqatar ǧimarattar jalǧa berıledı. Sondai-aq keşen aumaǧynda pavilondarǧa paidalanuǧa berılgen keibır nysandar bosatylyp jatyr. Olardy da bızdıŋ kompaniianyŋ saiasi ūstanymyna keletın türlı kompaniialarǧa jalǧa beretın bolamyz. Nysandardy şamamen bır şarşy metrı üşın 6700 teŋgege ötkızemız» dedı Däulet Erkımbaev.
Güldana TALǦATQYZY
