ELBASY ASTANANYŊ BAS JOSPARY ǦYLYMİ-ZERTTEU JOBALAU İNSTİTUTYNDA BOLDY

Memleket basşysy onda Astananyŋ bırqatar infraqūrylymdyq jobalarynyŋ jüzege asyrylu barysymen tanysty.

Astana äkımı Ä.Jaqsybekov Qazaqstan Prezidentıne säulet jäne qala qūrylysy salasynda jürgızılıp jatqan jūmystar jönınde baiandady.

Atap aitqanda, jürdek avtobus tasymalyn ıske qosuǧa  mümkındık beretın «BRT. Astana qalasynyŋ jaŋa kölık jüiesı» jobasyn jüzege asyru jūmystary jürgızılude.

Sondai-aq, Nūrsūltan Nazarbaevqa «EKSPO-2017» ha­lyqaralyq körmesı nysandary men jaŋa temırjol vokzalyna tar­tylatyn joldardy jobalau men salu barysy turaly da baian­daldy.

Sonymen qatar, Memleket basşysyna elordanyŋ jylu magistralınıŋ 4-şı jäne 5-şı kezegın jobalau men salu, energetika közderı ǧimarattaryn salu men qaita jöndeu jūmystary jönınde aqparat berıldı.

Elbasy Orynbor köşesındegı, Saltanat qaqpasy maŋyndaǧy Döŋgelek alaŋ men Myŋjyldyq alleiasyndaǧy qūrylystardy, tūrǧyn üi qūrylystaryn jüzege asyru josparyn, sondai-aq Astana qalasyndaǧy eskı jäne apattyq jaǧdaidaǧy üilerdı süru jönındegı pilottyq jobanyŋ jüzege asyrylu barysyn qarap şyqty.

Soŋynda Memleket basşysy elordany odan ärı damytu barysynda qaperge alynuy tiıs bırqatar maŋyzdy jaittardy eskerttı.