2017 jyldyŋ qorytyndysy boiynşa jürgızılgen äkımder reitingınde Astana qalasynyŋ äkımı Äset İsekeşev top bastady.
«Strategiia» saiasi jäne äleumettık zertteuler ortalyǧynyŋ sarapşylar toby būl nominasiiada üzdık dep tanylǧan tūlǧany anyqtau barysynda bırneşe pozisiiany baǧalady. Äkımderdıŋ jūmysyn baǧalauǧa elımızdıŋ är öŋırınen 29 sarapşy qatysqan jäne zertteu barysynda 5 kriterii boiynşa 7 baldyq jüiemen anyqtalǧan. Naqty aitqanda, äkımnıŋ atqarǧan jūmysyna halyqtyŋ köŋılı toluy, ekonomikalyq jäne ışkı saiasi jaǧdailardy basqaruy, aqparattyŋ aşyqtyǧy (äleumettık jelılerdegı) jäne äkımnıŋ saiasi belsendılıgı.
Jürgızılgen zertteuge säikes, sarapşylar äkımderdıŋ jūmysyn orta jäne ortadan joǧary dep baǧalady. Olar respublikalyq maŋyzy bar Astana jäne Almaty qalalarynyŋ basşylaryna eŋ joǧary baǧa berdı.
Sonymen, äkımderdıŋ tiımdı jūmysy boiynşa bırınşı oryn elorda äkımı Äset İsekeşevke būiyrdy (4,93 ball). Qala basşysynyŋ ekonomikalyq jaǧdaidy basqaruy ( 1-oryn; 5,08 ball), tūrǧyndardyŋ äkım jūmysyna qanaǧattanuy (1-oryn; 4,62 ball) jäne aqparattyq aşyqtyǧyna (1-oryn; 5,32 ball) joǧary baǧa berıldı.
Ekınşı orynǧa jergılıktı bilıktı basqaru qūrylymyndaǧy mümkındıgı jaǧynan Almaty qalasynyŋ äkımı Bauyrjan Baibek jaiǧasty. Al üşınşı oryndy ielengen Qyzylorda oblysynyŋ äkımı Qyrymbek Köşerbaev saiasi jaǧdailardy tiımdı basqarumen közge tüsken.
