ESKI JYL NESIMEN ESTE QALDY?
Seiılbek USİN, Ūly Otan soǧysynyŋ ardagerı:
– Ötken 2014 jylǧa bek rizamyn! Jerımız aman, elımız tynyş, tūrmysymyz jaqsy boldy. Prezidentımız Nūrsūltan Nazarbaevtyŋ dana basşylyǧynyŋ arqasynda täuelsızdıgımız nyǧaiyp, ekonomikamyz tūraqty damydy. Älemdık ekonomikalyq daǧdarysqa qaramai memlekettık qyzmetkerler ailyqtaryn, al bız zeinetaqylarymyzdy būrynǧydai tolyq kölemde alyp kelemız. Halyqaralyq jaǧdaiymyz da jaman emes. Bır kezde Europanyŋ terezesınen syǧalaityn edık. Al qazır Europanyŋ törıne şyǧyp otyrmyz. Būl – ülken jetıstık. Prezidentımız barǧan elderınde Qazaqstandy, qazaq halqyn dünie jüzıne paş etıp jür.
Elımızdıŋ azamaty retınde özım turaly aitsam, jasym – bügınde 94-te. Jetı balam, on toǧyz nemerem, toǧyz şöberem bar. Būlardyŋ keleşekterıne tıptı de alaŋdamaimyn. Sebebı, halyqtyŋ tūrmys-tırşılıgı jyl saiyn jaqsara beretınıne nyq senemın. Elbasymyzdyŋ syrtqy jäne ışkı saiasatyn tolyq qoldaimyn. Ol – saiasat aŋsaǧan armanymyzǧa, asyl mūratymyzǧa jetkızetın bırden-bır dūrys jol. Prezident özınıŋ basşylyq mol täjıribesın, bılımı men küş qairatyn otanymyzdyŋ igılıgıne aianbai jūmsap keledı. Oǧan köp rahmet aitamyz.
Künı keşe Astana qalasynyŋ äkımı Ädılbek Jaqsybekov Ūly Otan soǧysynyŋ ardagerlerın merekemen qūttyqtady. Öte riza boldyq. Men de barşa otandastaryma zor densaulyq, ūzaq ǧūmyr, bailyq pen baqyt tıleimın!
Düken MÄSIMHANŪLY,aqyn, filologiia ǧylymynyŋ doktory, professor:
– Jalpy, «Elde bolsa, erınge tiedı» deidı atam qazaq. Eŋ äuelı 2014 jyl tūtas elımız üşın de berekelı, tabysty, şuaqty, baquatty jyl boldy! Sol jaqsylyqtan osy eldıŋ bır azamaty retınde bız de qūr qalǧan joqpyz. Sonyŋ bastylaryn atap aitsam, qyzym Ǧaini ŪBT-dan 124 ball jinap, Astana qalasyndaǧy №48 mektep-liseiın «Altyn belgımen» bıtırıp, L.N.Gumilev atyndaǧy EŪU Halyqaralyq qatynastar mamandyǧyna qabyldandy. Ūrpaqtyŋ quanyşynan artyq ne boluy mümkın?! 2014 jyldyŋ bızge syilaǧan eŋ ülken syiy – osy.
«Naubaişymen söilesseŋ, tandyry men qamyryn aitady» degendei, bız de qal–qaderımızşe ǧylym-bılım salasynda, ädebi şyǧarmaşylyq salasynda eŋbek etıp jürgendıkten, ärbır jyldy osy saladaǧy atqarylǧan, oryndalǧan jūmystar auqymymen baǧalaimyz. Būl tūrǧysynan kelgende 2014 jyl tabyssyz emespız. «Foliant» baspasynan «Qazaqstan tarihşylary ūlttyq kongresı kıtaphanasy» seriiasymen, «Qytai turaly
qyryq söz» degen atpen ǧylymi-zertteu maqalalarym, «Öz aspanym özımde» atty jyr jinaǧym, «Azattyǧym men Qazaqtyǧym» degen atpen kösemsöz ben pälsapalyq tolǧamdarym jaryqqa şyqty. Sondai-aq, osy jyly QHR Ürımjı qalasyndaǧy «Şynjaŋ halyq baspasynan» «Mūhtar Äuezov jäne Lu Şün» atty monografiiamyz A.Baitūrsynūly älıpbiımen (töte jazu) jaryqqa şyǧyp, arǧy bettegı aǧaiyndardyŋ ruhani igılıgıne ainaldy. Al osy jyldyŋ qazan aiynda 50 jasqa toluyma orai L.N.Gumilev atyndaǧy EŪU basşylyǧynyŋ ūiymdastyruymen elımızde tūŋǧyş ret qytaitanu ǧylymyna qatysty «Qazaqstandaǧy qytaitanu ǧylymy: tarihy, bügını men bolaşaǧy» atty halyqaralyq ǧylymi-täjıribelık konferensiia öttı. Ǧylymi jiynǧa Türkiia, QHR,
Resei sekıldı şetelderden, elımızdıŋ tükpır-tükpırınen bedeldı-bedeldı qytaitanuşy ǧalymdar qatysyp, qytaitanudyŋ özektı mäselelerı men bızdıŋ şyǧarmaşylyǧymyzǧa qatysty maŋyzdy baiandamalar jasady. Elbasymyz N.Nazarbaevtan bastap bıraz el aǧalary arnaiy qūttyqtau jıberdı.
Qysqasy, elıme kelıp eleulı bolsam, Otanǧa kelıp oljaly bolsam, Atajūrtqa kelıp ataqty bolsam, osynyŋ bärı, ärine, tek qana Täuelsızdıktıŋ arqasy. Sol üşın de myŋ-myŋ täube!