Keşe QR Prezidentı janyndaǧy Ortalyq kommunikasiialar qyzmetınıŋ dästürlı brifingı öttı. Ortalyqtyŋ resmi ökılı Altai Äbibullaev Ükımet müşelerınıŋ jūmys josparymen tanystyrdy.
Sonymen, erteŋ QR Premer-ministrı Serık Ahmetovtıŋ töraǧalyǧymen Ükımet otyrysy ötedı. Onda eldegı käsıpkerlık pen biznestıŋ jai-küiı talqylanady dep josparlanyp otyr. 12 nauryzda Ekonomikalyq saiasat jönındegı keŋestıŋ kezektı otyrysy ötkızılıp, memlekettıŋ äleumettık-ekonomikalyq damu mäselesı äŋgıme özegıne ainalmaq.
Al, 14 nauryzda Ükımet basşysy jūmys saparymen Almatyǧa barady. Sapar aiasynda käsıpkerlerge qyzmet körsetu ortalyǧy men naqty sektordyŋ nysandaryna baryp, oǧan qosa, ıskerlık top ökılderımen kezdesıp, qalanyŋ damu mäselelerı boiynşa mäjılıs ötkızedı dep kütılude.
Būdan bölek, Qazaqstan Ükımetınıŋ delegasiiasy 15 nauryzda Mäskeude ötetın TMD Ekonomikalyq keŋesınıŋ 57-şı otyrysyna qatysady. Onda 2020 jylǧa deiıngı TMD-ǧa qatysuşy memleketterdıŋ İnnovasiialyq yntymaqtastyǧy memleketaralyq baǧdarlamasynyŋ ıske asyryluy barysy turaly mäseleler talqyǧa salynady. Ortalyq ökılınıŋ mälımdeuınşe, 13-15 nauryz aralyǧynda Helsinki qalasynda kezektı Qazaqstan-Fin biznes forumy ötedı.
– Oǧan QR Qorşaǧan ortany qorǧau ministrı Nūrlan Qapparov, qūzyrly ministrlıkter men vedomstvolardyŋ ökılderı jäne elımızdıŋ ıskerlık toptar ökılderı qatysady dep josparlanǧan, – dedı A.Äbibullaev.
A.ŞOŞAEVA
