Madi ma, älde Mädi me?

Keide elordadaǧy köşege esımı berılgen tūlǧalardyŋ aty-jönı tolyq nemese anyq jazylmaǧandyqtan tüsınbes­tık tuyp jatady. Keşe belgılı aqyn, Memlekettık syilyqtyŋ lau­reaty Nesıpbek Aitūly habarlasyp, osyndai bır jaǧdai basynan ötkendıgın aitty. Nesıpbek aǧa Karaötkel tūrǧyn alabyna barǧanda «Madi» degen köşenı körıp, «Būl qai Madi?» dep ärı-särı oilanyp qalypty. Söitıp, oiynyŋ bır ūşy, būl arqaly aqyn, änşı – kompozitor Mädi Bäpiūlyna berılgen köşe bolar degenge tıreledı.
Bıraq qazaq ony «Mädi» dep jazady. Aqyn özınıŋ öleŋınde: «Bäpiden jalǧyz tuǧan Mädi edım» dep aitady. Onda köşege «Mädi Bäpiūly» dep tolyq jazu qajet.
– Qazaqta tegımen emes, esımımen qalyptasqan tūlǧalar bar. Mysaly, olar: Abylai, Abai, Şoqan, Ybyrai, Şäkärım, Qajymūqan bolyp aitylady. Endı zaŋǧar jazuşy Mūhtar Äuezovtı «Mūhtar» dep aita almaisyz. Ol kısı familiiasymen qalyptasqan. Onyŋ üstıne Mūhtarlar köp. Alaş ardaqtysy Älihan Bökeihanovty da, akademik Qanyş Sätbaevty da solai tolyq jazu kerek. Bır quanarlyǧy, köşege esımı berılgen Bırjan sal, Aqan serı atalarymyz dūrys jazylǧan. Mysaly, ataqty qobyzşy Yqylas Dükenūlyn «Y.Dükenūly» köşesı dep jazypty. Al osyny kım bıledı? Mıne, osyndai köşe ataularynda qatelıkter bar. Sony qalalyq äkımşılıkke, osyǧan jauapty adamdarǧa qūlaqqaǧys retınde ait­qym keledı, – dedı Nesıpbek Aitūly.