Myna künı tas laqtyrsaŋ, joǧary oqu ornyn bıtırdı degen qūjaty bar, bıraq qyzmetı joq zaŋger ne qarjygerdıŋ basyna baryp tiedı.
Köbısı būl küiı üşın kezınde «taŋdaǧan mamandyǧyŋ qoǧamǧa kereksız» dep eskertpegen sol qoǧamnyŋ özın kınälaidy. Onysy jön de şyǧar.
Osyǧan deiın qalamyzda qanşa jūmyssyz bar, onyŋ qanşasy jūmysqa ornalasty, qanşasy ornalaspady, ornalasqysy kelmeitın sebebı ne? degen saualdar men qaptaǧan sandardyŋ älegımen jüretın Jūmyspen qamtu jäne äleumettık baǧdarlamalar basqarmasy endı naqty ıske köşıp, osy qatelıktıŋ aldyn aluǧa kırısken syŋaily.
Keşe Astana qalasy mäslihatynyŋ äleumettık-mädeni mäseleler jönındegı tūraqty komissiiasy atalǧan basqarmaǧa bardy.
Basqarma bastyǧy Alma Altybaevanyŋ esebın tyŋdady.
Soŋynan «Qazaqqa keregı qandai mamandyq?» degen saual töŋıregınde pıkır talastyryp, tūşymdy oilaryn ortaǧa saldy.
Däl bügıngı künı bızge käsıptık mamandar auadai qajet. Osy mäsele älı künge deiın şeşımın tappai keledı.
Qūrylysy künnen-künge qaryştap kele jatqan Astanada qūrylysşy tapşy degenge senesız be? Qūrylysqa qajettı dänekerleuşı, elektrik mamandary da asa qat. Mūny Jūmyspen qamtu ortalyǧynyŋ basşysy rastap otyrǧan soŋ, amal joq, senuge tura keledı. Öitkenı, jūmys beruşılerden kelıp tüsken ūsynysty ortalyq qanaǧattandyra almai otyr.
Jastar mūndai mamandyqqa mūrnyn şüiırıp qaraidy, käsıptık-liseilerdıŋ maŋyna attap baspaidy dep, kınänı özgege audara salatynbyz būryn. «Baqsaq, baqa eken». Otyrys-ta Bılım basqarmasynyŋ ökılı Astana qalasyndaǧy käsıptık-liseilerdıŋ tehnikalyq bazasy, ǧimaratynyŋ jaiy mülde syn kötermeitının aityp saldy. Tıptı, № 5 lisei jataqhana jertölesınde ornalasqan bolyp şyqty. «Osyny köre tūra jastarǧa käsıptık mamandyqty taŋda dep qalai aitpaqsyŋ?» dedı ol. Al, mektep basşylary 2005 jyldan berı «jaŋa ǧimarat salynady» degen sözge senıp, ümıtın üzbei kelıptı. Komissiianyŋ töraǧasy Abai Baigenjin özderınıŋ būl mäseleden habarsyz ekenın moiyndap, köp sozbai mekteptıŋ jai-küiımen tanysatyndyqtaryn jäne qala basşylyǧy arqyly būl mäselenıŋ tez arada şeşımın tabuǧa tyrysatyndyqtaryn aityp sendırdı.
Al, bügınde jūmyssyzdardyŋ jartysynan köbın qūraityn qūqyq, qarjy salasynyŋ mamandaryn daiarlauda nenı eskergen jön?
Bügınde elordadaǧy ırgelı joǧary oqu oryndarynyŋ bırı sanalatyn S.Seifullin atyndaǧy Qazaq memlekettık agrotehnikalyq universitetınde osy salanyŋ mamandaryn daiarlaityn fakultettıŋ baryn bıreu bılse, bıreu bılmes. Şyntuaityna kelgende agrarlyq sala mamandaryn daiarlaumen ainalysatyn oqu ordasynyŋ qarjy, menedjment salasyna alty alasy, bes beresı joq. Sondyqtan, mūndai mamandar tek salalyq joǧary oqu oryndarynda ǧana daiarlanǧan jön degen ūsynystar aityldy. Taǧy bır maŋyzdy närse – oqu oryndarynda atalǧan mamandyqqa oryn bölerde qoǧamnyŋ qajettılıgın eskergen de jön. Osylaişa aldyn ala josparlanǧan jaǧdaida ǧana jas mamandar jūmyssyzdyqtyŋ qamytyn kimeitın bolady.
Jalpy, būl otyrystyŋ oqu jyly aiaqtalar tūsta oraiy kele qalǧany da jön boldy.
Komissiia aldaǧy uaqytta jas tülekterdıŋ mamandyqty dūrys taŋdauy üşın öz taraptarynan da yqpaldy şarualar atqaratyn bolyp ūiǧardy.
Şynar DOCAN